Ferrari kompaniýasy ABŞ-da gyýa öň tarapdan bolan çaknyşyklar wagtynda öňki tekerleri gözegçilik astynda aýyrmak tehnologiýasy üçin patent aldy. Bu oýlap tapyş sürüjiniň we öňdäki ýolagçynyň aýak zolagynda korpusyň deformasiýa howpuny azaltmak arkaly olaryň howpsuzlygyny ýokarlandyrmaga niýetlenendir.
Resminama ABŞ-nyň Patentler we haryt nyşanlary edarasy (USPTO) tarapyndan çap edildi.
Bu çözgüdiň esasynda öňki asma ulgamynyň (podweska) aýry-aýry elementlerini gözegçilik astynda dargatmak ýörelgesi ýatyr.
Mesele şunda: gyýa burç bilen çaknyşylanda, teker urgynyň ep-esli bölegini özüne alýar we yza süýşüp, şassiniň elementlerini deformirläp, ýüküň salona geçmegine sebäp bolup biler. Munuň öňüni almak üçin "Ferrari-niň" inženerleri öňki asma ulgamynyň üçburçly ýörediji böleginiň we onuň berkidijileriniň gurluşyny üýtgetdiler.
Adaty gurluşda ryçag tekeriň stupisasy bilen birleşdirilýär we şasside iki nokatda berkidilýär. Täze ulgam öňki saýlentblok üçin ýörite berkidiji miliniň ulanylmagyny göz öňünde tutýar, onda gözegçilik edilýän dargama zonalary bar.
Gyýa urgy wagtynda kritiki ýüke ýetilende, bu element dargaýar we ryçagyň öňki bölegini boşadýar. Mehanizmiň takyk işlemegini üpjün etmek üçin ryçag berkidiji gapyrga bilen goşmaça güýçlendirildi, bu bolsa onuň deformasiýasyna päsgel berýär we ýüküň gönümel gowşan berkidiji elementiň üstüne düşmegini üpjün edýär.
Şunda teker awtoulagdan dolulygyna aýrylmaýar. Ony rul dartgylary we ryçagyň yzky berkidiji nokady saklaýar, şonuň netijesinde ol ulag bilen baglanyşykly galýar we ýol hereketiniň beýleki gatnaşyjylary üçin goşmaça howp döretmeýär.
