28-nji iýunda Türkmenistanyň Halk Maslahatynyň Başlygy Gurbanguly Berdimuhamedow Arkadag şäheriniň çägindäki Halkara ahalteke atçylyk sport toplumyna bardy. Türkmen halkynyň Milli Lideri bu ýerde toplumda idedilýän bedewleriň ýagdaýlary bilen gyzyklandy.
Türkmenistanyň Halk Maslahatynyň Başlygy toplumyň athanasynda idedilýän Hanbeg atly mele bedew bilen didarlaşdy.
Hanbeg ahalteke bedewleriniň taryhynda ägirt uly şöhrat gazanan Meleguşuň nesil ugruna degişli bolup, ol Toýçy we Göwherli atly bedewleriň neslidir. Ýeri gelende aýtsak, Toýçynyň atasy ady rowaýata öwrülen Tyllanur öz döwründe gözellik bäsleşiginiň ýeňijisi bolupdy.
Gurbanguly Berdimuhamedow bedewi çapdy.
Türkmen halkynyň Milli Lideri atly gezelenji tamamlap, şöhratly bedewleriň neslinden bolan Hanbege minnetdarlygyň nyşany hökmünde aýratyn hormat bildirdi.
Hanbeg atly bedew Gurbanguly Berdimuhamedowyň ýanyna geldi. Akylly bedew aýaklaryny peşäp, türkmen halkynyň Milli Liderini ak ýola ugradýan mysaly başyny silkeledi.
