Toyota we Volkswagen öndürijileri Hytaýda islegiň pesligi sebäpli köp modelleriň bahalaryny arzanlatdylar.
Mysal üçin, Toyota Corolla arzanladyşdan öň, takmynan, 16 000 dollara durýardy, häzir dilerler ony 11 000 dollardan satýarlar. Camry barada aýdylanda, baha 23 600 dollardan 20 600 dollara çenli peseldi, şol bir wagtyň özünde dilerler bahany ýene-de peseltmäge taýýar diýip, autohome.com.cn belleýär. Maý aýynda Hytaýda bary-ýogy 7693 sany Toyota Corolla we 8681 sany Camry awtomobili satyldy.
Volkswagen hem arzanladyş hödürleýär, mysal üçin, Sagitar 5500 dollar arzanladyş bilen, bary-ýogy 11 700 dollara satylýar. Bellenilişi ýaly, öndüriji täzelenen model çykmazdan öň ammarlary tizräk arassalamaga çalyşýar.
Volkswagen Magotan hem 30 500 dollardan 18 200 dollara çenli arzanlady.
