Amerikaly alymlar sülügiň azyndan bir görnüşiniň, ýagny Chtonobdella fallax-yň böküp bilýändiginiň subutnamasyny ýazgy etdiler. Bu, öň bar bolan, ýöne tassyklanmadyk gözegçilikleri subut edýär we ýüz ýyldan gowrak dowam eden ylmy jedeliň soňuna nokat goýýar diýip, Hi-Tech neşiri ýazýar.
Barlagçylar 2023-nji ýylda Madagaskara ekspedisiýa gidenlerinde sülükleriň agzalan görnüşiniň böküşini, göwresini sozup, giňişlikde adaty süýrenişinden düýpgöter başga görnüşde hereket edýändigini surata aldylar.
Chtonobdella fallax görnüşi, köplenç, Madagaskarda duş gelýär we dünýäniň dürli sebitlerinde giňden ýaýran sülükleriň toparyna degişlidir. Barlagçylar sülükleriň haçan we haýsy ýagdaýlarda bökýändigini anyk bilmeýärler, ýöne olaryň pikiriçe, beýle häsiýetiň olaryň beýleki garyndaş görnüşlerine-de mahsus bolmagynyň mümkindigini belleýärler.
Alymlar sülügiň bökmek häsiýetine düşünmek bu görnüşi gorap saklamakda möhüm ähmiýete eýe. Sebäbi bu gurçuklaryň gany, köplenç, oňurgaly haýwanlaryň biodürlüligini öwrenmek üçin ulanylýar.
"Sülükleriň eýelerini nädip tapýandygyny we olara nädip ýapyşýandygyny kesgitläp bilsek, içegesindäki zatlary seljermekden alnan netijelere has gowy düşünip bileris" - diýip barlagçylar belleýär.
