ABŞ-nyň demirgazygyndaky Montana ştatynda äpet şahly dinozawryň täze görnüşi tapyldy. Deslapky çaklamalara görä, bu häli-häzire çenli tapylan iň uly görnüşdir. “PeerJ” žurnalyndaky habara görä, Lokiceratops rangiformis adyny alan dinozawryň daşa öwrülen galyndylary seratopsidler diýlip atlandyrylýan şahly dinozawrlar toparyna degişlidir.
Takmynan, 78 million ýyl ozal ýaşap geçen Lokiceratops uzynlygy 6,7 metre ýetýän, agramy 5 tonna töweregi bolan ot iýýän dinozawr bolupdyr. Uly göwresi we täsin galdyryjy şahlary ony şol döwürde ýaşap geçen, ot iýýän iň uly dinozawra öwürýär.
Dinozawra barlagçylar tarapyndan dakylan at, köplenç, kellesi şahly şekillendirilýän skandinaw taňrysy Lokini aňladýar (Marvel komiksiniň gahrymany şu mifologiki keşpden ylham alýar, hatda ol hakda Disneý + tarapyndan düşürilen serial hem bar).
Lokiceratops-yň tapylmagy bu sebitde bäşinji ýagdaý bolup, bu ýerde şeýle dinozawrlaryň köp bolandygyny görkezýär. Barlagçylar, Lokiceratops-yň ýaşaýyşy we onuň giçki hek döwrüniň ekoulgamyndaky orny barada has giňişleýin maglumat almak üçin, tapylan galyndylary öwrenmegi dowam etdirýärler.
