Ýaponiýanyň Osaka uniwersitetiniň alymlary Neolamprologus savoryi sihlid balygynyň öz jemgyýetinde tertip-düzgüni saklamak üçin fiziki jezany ulanýandygyny anykladylar. Olar “ýalta” çagalaryny öz territoriýasyny has işjeň goramaga mejbur etmek üçin fiziki temmi ulanýarlar diýip, Animal Behavior ylmy žurnalynda çap edilen barlagyň netijelerinde aýdylýar .
Hünärmenler balyklaryň özüni alyp barşyna laboratoriýa şertlerinde syn etdiler we agalyk edýän balyklaryň territoriýany bilelikde goramakda has işjeň bolmaklaryny talap etmek üçin “ýalta” garyndaşlaryna, şol sanda öz nesillerine hüjüm edýändiklerini anykladylar. Görnüşi ýaly, şeýle hereketler öz miwesini hem berýär.
Haýbatdan soň balyklaryň has “mylaýym” bolandygy bellärliklidir - olar özlerini alyp barşyny üýtgetdiler we öz sebitlerine has yhlasly gözegçilik edip başladylar.
Barlagyň ýolbaşçysy Satosi Awatanyň belleýşi ýaly, barlag toparyň agzalarynyň arasynda belli bir tertibi kemala getirmekde temmi ulanmagyň diňe bir adamlara mahsus däldigini görkezdi.
Alym: "Bu ýagdaý, diňe bir balyklarda däl, eýsem bütin haýwanat dünýäsindäki akyl düşünjesine täzeden garamaga mejbur edýär" – diýip nygtady.
