ABŞ-nyň Milli awiasiýa we kosmos dolandyryşy (NASA) Perseverance tarapyndan toplanan toprak nusgalaryny Ýere gaýtaryp getirmek konsepsiýasyny hödürlejek ýedi kompaniýany saýlajakdygyny mälim etdi.
Ozal 2026-njy ýyla meýilleşdirilen Mars Sample Return (MRS) missiýasy, býujetiniň 3-4 milliard dollardan 11 milliard dollara çenli ýokarlanmagy sebäpli yza çekildi.
Indi kompaniýalar (Aerojet Rocketdyne, Blue Origin, Lockheed Martin, Northrop Grumman, Quantum Space, SpaceX we Whittinghill Aerospace) 90 günüň dowamynda Marsyň nusgalaryny gaýtarmak ulgamynyň makedini işläp düzmeli bolarlar.
Tekliplere NASA-nyň hünärmenleri tarapyndan baha berler.
Aerojet, Northrop Grumman we Whittinghill kompaniýalary Marsdan nusgalary orbita çykarmak üçin raketa gurmagy teklip edýärler.
Galanlary bolsa başga çözgüt gözleýärler. SpaceX Starship transport ulgamyndan peýdalanyp biler, Blue Origin bolsa özüniň Aý programmasyny ulanar.
