Braun uniwersitetiniň alymlary ýertitremeleriň ýüze çykmagyna täsir edýän täze bir faktory kesgitlediler. Nature žurnalynda çap edilen barlagyň netijesine görä, jaýryklaryň geometriýasy ýertitremeleriň güýjüne we ýygylygyna uly täsirini ýetirýär.
Däp boýunça ýertitremeler litosfera plitalarynyň çat açyş güýji bilen düşündirilýärdi. Täze barlag çat açyş zolaklardaky gurluşlaryň tekizliginiň hem möhüm rol oýnaýandygyny ýüze çykardy. Plitalaryň “byçgynyň tygly dişine” meňzeş çylşyrymly geometriýasy topagyň güýçli hereketlenmegine we şonuň bilen birlikde has sarsgynly ýertitremelerine sebäp bolýar.
Barlagçylar Kaliforniýadaky San-Andreas jaýrygyny öwrendiler. Alnan maglumatlar "tekiz" jaýryklaryň plitalara birsydyrgyn süýşmäge mümkinçilik berýändigini görkezýär, şol bir wagtda bitekizleri ýeriň titremegine sebäp bolýan goşmaça basyşy döredýär.
Geljekde geofizikler täze modeli beýleki jaýryklar boýunça barlamagy meýilleşdirýärler. Eger çaklama tassyk bolsa, bu geljekde ýer titremelerini has takyk çaklamaga mümkinçilik berer.
