Meksika bilen Gawaýiniň arasynda ýerleşýän Klarion Klipperton zolagyna 45 günlük ekspedisiýanyň dowamynda Geteborg uniwersitetiniň gözleg topary çuň düzlükde ýaşaýan täze görnüşleri tapdy. Iňlis gämisi “Jeýms Kukda” geçirilen ekspedisiýa 3500 metrden 5500 metre çenli çuňlugy barlap, nusgalary ýygnamak we olary surata düşürmek üçin uzakdan dolandyrylýan enjamy ulandy.
Tapyndylaryň arasynda käse şekilli aýna ýaly gubka bar. Bu jandaryň 15 müň ýyla çenli ýaşap bilmegi ony Ýer ýüzünde iň uzak ýaşaýan jandara öwürýär. Bu barada Phys.org ylmy neşirinde beýan edildi.
Şeýle hem gözlegçiler iýmit taşlamalaryna ýöriteleşýän, haýal hereket edýän deňiz hyýaryny (goloturiý) tapdylar.
Ekspedisiýa ýolbaşçylyk eden deňiz ekology Tomas Dalgreniň pikiriçe, bu sebitde ýaşaýan görnüşleriň 10% -inden hem az bölegi öwrenildi. Klarion Klipperton zolagynyň biodürlüligini öwrenmek, gowşak ekosistema üçin howp döredip biljek çuň deňizde seýrek metaly gazyp almagyň berip biljek täsirlerine baha bermek üçin möhümdir.
