Bürmege garşy sanjym Parkinson keseliniň öňüni alyp biler

  • 07.06.2024 13:13
  • 3.1k+

Ysraýylyň alymlary, megerem, Parkinson keseliniň öňüni almagyň usulyny tapan bolsalar gerek. Olaryň MedRxiv web sahypasynda çap edilen barlagynda görkezilişine görä, bürmege garşy sanjym edilen adamlaryň bu neýrodegeneratiw kesel bilen kesellemek töwekgelçiligi iki esse pesdir diýip, Naked Science ýazýar.

Barlagda Parkinson keselli 1500 adamyň we barlag toparyndan 7500 adamyň maglumatlary seljerildi. Alymlar bürmege garşy sanjym edilen adamlarda, sanjym edilmediklere garanyňda, bu keseliň döremek howpunyň pesdigini anykladylar.
Barlagyň awtorlary bürmegiň döremegine sebäp bolýan Clostridium tetani bakteriýalarynyň Parkinson keseliniň ösmeginde rol oýnap biljekdigini çaklaýarlar. Bu bakteriýalar ýiti fazasyndaky täsirinden başga-da, içegäniň üsti bilen ýa-da ýaralar arkaly beýnä düşüp, bedene uzak wagtlap ýaramaz täsirini ýetirip biler.
Clostridium tetani tarapyndan işläp çykarylýan Tetanotoksin Parkinson keseline mahsus bolan neýrodegeneratiw proseslere getirip bilýän neýrotoksiki häsiýete eýedir.
Bu çaklama barlaglaryň ýene dowam etdirilmegini talap edýänem bolsa, eýýäm häzirden bürmege garşy yzygiderli edilen sanjymyň (her iki ýyldan bir gezek) Parkinson keseliniň öňüni almakda täsirli çäre bolup biljekdigini çaklamak mümkin.
Parkinson keseli - Alsgeýmer keselinden soň, iň köp ýaýran neýrodegeneratiw kesel. Ol herekete jogapkär neýronlary zaýalaýar. Orta hasap bilen sekiz ýylyň içinde syrkaw adam düşege baglanýar we 10 ýylyň içinde hereketden galýar we ýeke özi ýaşap bilmeýär. Hususan-da, Muhammet Aly, Rim papasy Ioann Pawel II, Ýasir Arafat we Salwador Dali ýaly meşhurlar Parkinson keselinden ejir çekipdiler.


22.08.2025 15:19
5k+

Dişleriň sagdyn bolmagy üçin: Russiýada düzüminde probiotikler bolan sakgyç döredildi

Seçenow uniwersitetiniň hünärmenleri probiotiklerden we prebiotiklerden düzülen çeýnelýän sakgyç döretdiler. Uniwersitetiň metbugat gullugynyň habaryna görä, täze önüme «Reteriks» diýlip at berildi. Onuň maksady – kariýesiň, gingiwitiň we beýleki stomatologik keselleriň töwekgelçiligini azaltmakdyr...

22.08.2025 08:21
4.5k+

Russiýaly alymlar pnewmoniýany we meningiti oýaryjyny dargadýan wirusy tapdylar

Sibir Ylymlar akademiýasynyň (SO RAN) Himiýa-biologiýa we fundamental lukmançylyk institutynyň hünärmenleri pnewmoniýa, meningit, sepsis döredýän we köplenç hassahanalarda giňden duş gelýän howply bakteriýany ýok edip bilýän täze wirus-bakteriofagy açdylar diýip, «Nauka v Sibiri» neşiri habar berýär...

18.08.2025 10:02
2.2k+

ABŞ-da düzgünleşdiriji dowamly öýken keselini bejermek üçin ilkinji derman serişdesini tassyklady

ABŞ-nyň Azyk önümleriniň hiline we derman serişdelerine gözegilik müdirligi (FDA) Insmed kompaniýasynyň mukowissidozsyz bronhoektazlary bejermek üçin niýetlenen Brinsupri dermanyny tassyklady. Bu dowamly öýken keseli dem alyş ýollarynyň öwezini dolup bolmajak zeperlenmesi, dowamly üsgülewük we nemiň  artykmaç bölünip çykmagy bilen utgaşýar diýip, Reuters ýazýar...

18.08.2025 08:54
6.9k+

Oguljahan Atabaýewa “Arkadag Medisina Klasteri” toplumynyň gurluşygynyň barşy bilen tanyşdy

16-njy awgustda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa Arkadag şäherine baryp gördi...