ABŞ-da 31 ýyl mundan ozal doňdurylan düwünçekden çaga dünýä indi. Bu barada MIT Technology Review ylmy žurnaly habar berýär.
Ogaýo ştatyndan är-aýal 1994-nji ýylda ekstrakorporal tohumlandyrma (ECO) prosedurasynyň netijesinde döredilen düwünçegi ulanmak kararyna geldi. Şol wagt lukmanlar dört düwünçek aldy: olaryň biri şol bada ulanyldy – implantasiýadan soň gyzjagaz dünýä indi. Galan üç düwünçegi aýal doňdurmak kararyna geldi, ýöne ahyrynda olary düwünçekleri saklamaga we bermäge ýöriteleşen hristian agentligine berdi.
Žurnalyň maglumatlaryna görä, şeýle agentlikler düwünçekleri “ogullyga almaga” mümkinçilik berýär. Agentlikde donorlar we öweý ene-ata düwünçegiň kime beriljekdigini bilelikde çözýär. Düzgüne görä, şeýle guramalar etiki garaýyşlardan ugur alyp, doňdurylan düwünçegi eýýäm doly derejeli adam ömri diýip hasaplaýar. Şonuň üçin olar düwünçege biologiki material ýaly däl-de, heniz dogulmadyk çaga ýaly seredip, oňa hakyky çagalara bolşy ýaly hormat we ahlak kadalary bilen garamalydygyny öňe sürýär.
