Alymlar Günüň “ýürek urgusy” bilen planetalaryň hereketiniň arasynda baglanyşyk tapdylar

  • 06.06.2024 14:50
  • 9.2k+

Alymlar öňräkden bäri Günüň Şwabeniň sikli diýip atlandyrylýan 11 ýyllyk işjeňliginiň syryny açmaga synanyşýarlar. Täze barlag bu sikle (aýlawa), şeýle-de Günüň beýleki sikllerine ýyldyzyň diňe bir öz içindäki  prosesleriň däl, eýsem, Gün ulgamynyň planetalarynyň hereketiniň hem täsir edip biljekdigini çaklaýar diýip, ScienceAlert ýazýar.

Gelmgols Drezden-Rossendorf adyndaky Merkeziň laboratoriýasynyň fizigi Frank Stefaniniň ýolbaşçylygyndaky barlagçylar topary Günüň, Weneranyň, Ýeriň we Ýupiteriň arasyndaky dartyş güýjüniň Gün siklleriniň sinhronlaşmasynda rol oýnap biljekdigini çaklaýar.
Täze çaklama görä, Günüň iň pes döwründe her 11,07 ýyldan bu üç planeta bir hatara düzülip, Güni özüne dartyş güýjüni artdyrýar. Bu täsir, şeýle seredeňde, gowşak hem bolsa, Günüň sikllerini sinhronlap, onuň içki güýjüne täsirini ýetirip bilýär.
Şeýle hem, barlagçylar bu üç planetanyň islendik ikisiniň deňleşmeginiň Gün sikllerine täsir edip biljek derejede güýçli bolup biljekdigini anykladylar.
Alymlar tarapyndan geçirilen matematiki modelirleme olaryň gipotezasynyň Şwabeniň 11 ýyllyk siklini we Rigeriň, takmynan,150-160 gün dowam edýän gysga  sikllerini düşündirip biljekdigini görkezdi.
Elbetde, Gün örän uly we çylşyrymly ulgam, şonuň üçin planetalar onuň  aýlawlaryna täsir edýänem bolsalar, bu ýagdaýyň bary-ýogy diňe bir bölegidir. Emma gabat gelmeler olary äsgermezlik ederden juda takyk diýip, alymlar belleýärler.

"Diňe elimizde maglumatlar has köp bolan ýagdaýynda biz 100% ynamly bolup bileris, ýöne bu çaklamany goldaýan deliller gaty güýçli" - diýip, Frank Stefani sözüni jemleýär.


düýn 18:02
3.5k+

Astronomlar “gara ýyldyzlaryň” bardygynyň alamatlaryny tapdylar

Maks Plankyň astronomiýa institutynyň (MPIA) astronomlary irki Älemde "gara ýyldyzlar" diýilýänleriň bardygynyň alamatlaryny habar berdiler. Bu obýektler käbir gadymy galaktikalaryň adatdan daşary uly massasyny we gara girdaplaryň çalt ösüşini düşündirip bilerdi...

düýn 17:55
3k+

Ýerdäki çöllerden alnan bakteriýalaryň Aý we Mars topragynda ýaşap biljekdigi anyklanyldy

Ýerdäki çöllerde tapylan Chroococcidiopsis görnüşli sianobakteriýalar Aý we Mars topragynda ýaşamaga ukyplydygyny görkezdiler. Italiýanyň kosmos gullugynyň (ASI) barlagçylary ReBUS taslamasynyň çäklerinde şeýle netijä geldiler...

düýn 09:54
3.7k+

Hytaý alymlary ilkinji gezek dinozawr ýumurtgalarynyň takyk ýaşyny kesgitledi

Hytaý alymlary ilkinji gezek ýurduň merkezi böleginde tapylan dinozawrlaryň ýumurtgalarynyň ýaşyny takyk kesgitlemegi başardy. Science XXI neşiriniň maglumatlaryna görä, täze çemeleşme hek döwrüniň klimatyny has çuň öwrenmäge mümkinçilik berer...

düýn 09:50
2k+

NASA Perseverance-yň tapyndysyny Marsdaky ýaşaýşyň iň ygtybarly subutnamasy diýip atlandyrdy

NASA-nyň Marsda hereket edýän Perseverance enjamy tarapyndan ýygnalan nusga gadymy mikrob durmuşynyň yzlaryny saklap biler. Bu barada 2025-nji ýylyň 10-njy sentýabrynda Nature žurnalynda neşir edilen NASA-nyň ylmy gözleginde aýdylýar...