Skytrax World Airport Awards-yň iň soňky reýtingine görä, Tokionyň Haneda howa menzili dünýädäki 570 howa menzilleriniň arasynda arassalygy boýunça lider boldy.
Ýolagçylaryň teswirlerine esaslanan reýting, Hanedanyň pollarynyň, oturgyçlarynyň, hajathana otaglarynyň we jemgyýetçilik meýdançalarynyň arassalygy taýdan garaşylandan hem has ýokarydygyny görkezdi. Bu bolsa pandemiýadan soňky, arassaçylyk syýahatçylaryň iň möhüm meselesine öwrülen döwründe has möhüm boldy.
Hanedadan başga-da, Ýaponiýanyň ýene üç howa menzili - Nagoýa (5-nji ýer), Narita (6-njy) we Kansai (7-nji) ilkinji onluga girdi.
Sanawda Ýaponiýadan başga-da Aziýanyň howa menzilleriniň agdyklyk edýändigi bellärliklidir. Seulyň Inçhony ikinji ýeri eýeledi, ondan soň Singapuryň Çangi howa menzili, Dohanyň Hamad howa menzili, Gonkong we Taýwan bar.
Ilkinji onluga girip 10-njy ýeri eýelän ýeke-täk Ýewropa howa menzili Sýurih boldy.
Skytrax dürli sebitlerdäki iň arassa howa menzillerini hem belläp geçdi:
- •Demirgazyk Amerika: Wankuwer (Kanada)
- •Günorta Amerika: Kioto (Ekwador)
- •Merkezi Amerika we Karib howzy: Huan Santamariýa (Kosta Rika)
- •Afrika: Keýptaun (Günorta Afrika)
- •Awstraliýa we Ýuwaş ummany: Brisben (Awstraliýa)
- •Hytaý: Şanhaý Hunsýao
- •Merkezi Aziýa: Baku (Azerbaýjan)
- •Hindistan we Günorta Aziýa: Bangalor (Hindistan)
Skytrax reýtingi eýýäm 25 ýyl bäri düzülip gelinýär we dünýädäki millionlarça ýolagçynyň jogaplaryna esaslanýar. Ekologik syýahatyň meşhurlygynyň barha artýandygyna garamazdan, howa uçuşlaryna bolan talap öňküsi ýaly galýar, her ýyl 8,5 milliarddan gowrak ýolagçy howa ýoly bilen syýahat edýär.
