4-nji maýda alymlar Amaly geofiziki institutynyň (AGI) kosmos howasyna gözegçiligiň netijeleri boýunça Günde ýokary M klassa degişli bäş sany partlamany hasaba aldylar.
Iň güýçli partlamalaryň biri Aşgabat wagty bilen 11:19-da bolup geçdi.
"4-nji maýda 11:19-da (Aşgabat wagty bilen) 3 663 (N26W09) tegmiller toparynda renten araçäginde dowamlylygy 28 minut bolan M9.1 partlamasy hasaba alyndy. Partlamanyň dowamynda radioaragatnaşyk ulgamlarynyň bozulmalaryna gözegçilik edildi" diýlip, AGI-niň habarynda aýdylýar.
Mundan başga-da, Günde М1.2, М1.1, М2.4, şeýle hem М1.6 partlamalary hasaba alyndy. Alymlar ilkinji partlamany 03:45-de (Aşg. wagty bilen) hasaba aldylar.
Gün tolgunmalary rentgen şöhlelenmeleriniň kuwwatlylygyna görä bäş klassa bölünýär: A, B, C, M we X. Iň pes klassy bolan A0.0 Ýeriň orbitasynda her inedördül metre 10 nanowatt şöhlelenme kuwwatyna deň. Indiki harpa geçende kuwwatlylyk 10 esse güýçlenýär. Adatça, tolgunmalardan soň gün plazmasynyň zyňylmagy bolup geçýär. Olar Ýere aralaşanda bolsa, magnit hadysasy ýüze çykyp bilýär.
