Çiliniň suwlarynda 1887-nji ýyldan bäri ýitip giden diýlip hasaplanylýan “perişde akula” tapyldy. Bu barada Ýewropanyň taksonomiýa žurnalynda çap edilen makala salgylanýan Yahoo News habar berýär.
Süňkli balyk awlaýan balykçylara tor bilen iki sany akulany we bu seýrek ýyrtyjynyň bir sany kellesini tutmak bagty miýesser etdi.
"Perişde akula" ilkinji gezek XIX asyrda Çiliniň alymlary tarapyndan suratlandyryldy. Beýan etme juda nätakyk bolup, soňra üsti ýetirilmändir, sebäbi bu görnüşe taryhda bary-ýogy birnäçe gezek gabat gelnipdir we doly ýitip giden hasaplanypdyr.
Alnan nusgalar doňduryldy we Santýagodaky Milli tebigy taryhy muzeýe iberildi hem-de şol ýerde üns bilen gözden geçirildi. Alymlar munuň “perişde akula”-dygyny tassykladylar we oňa täze - Squantina Armata diýip ylmy at berdiler.
Uzynlygy bir metre golaý bolan bu ýyrtyjylaryň tekiz göwresi, kellesinde we arkasynda ýiti çeňňek görnüşli ösüntgileri, şeýle hem uly çişleri bar. Çaky olar guma çümüp, bukuda oturmak bilen aw edýän bolmaly.
Haýwanlaryň ýaşaýyş ýerleriniň ýok edilmegi, işjeň balyk tutmagy we kenarýaka zolaklarynyň özleşdirilmegi sebäpli olara ýok bolup gitmek howpy abanýar. Şonuň üçin alymlar bu seýrek görnüşler barada mümkin boldugyça köp zat öwrenmek we ony gorap saklamak meýilnamasyny düzmekçi. “Perişde akula” eýýäm Tebigaty goramagyň halkara bileleşiginiň Gyzyl sanawyna girizildi.
