Ýaponiýada 6G synag edildi. Onuň tizligi 5G-den 20 esse ýokary

  • 03.05.2024 12:14
  • 6.1k+

Ýaponiýaly alymlar dünýäde ilkinji ýokary tizlikli 6G simsiz gurluşyny döredip, üstünlikli synagdan geçirdiler. Gurluş maglumatlary 100 metr aralyga sekuntda 100 gigabit tizlik bilen geçirmäge ukyplydyr – 5G-den 20 esse çalt.

Şeýle tizlik bilen sekuntda bäş sany HD filmi geçirip bolýar. Bu geçenki synaglar bilen deňeşdirilende, uly ösüşdir, sebäbi öň 240 Gbit/s çenli rekord tizlige ýetmek başartdy, ýöne aralyk bary-ýogy 20 metr boldy.
6G-niň 5G-den tapawudy, esasan, iş diapazonyndadyr. 5G, adatça, 40 GGs çenli diapazony ulanýar, 6G bolsa 100 GGs-den 300 GGs-e çenli diapazony ulanyp bilýär.
Ýaponiýanyň NTT Docomo we NTT operatorlary 6G-niň synaglaryna Fujitsu, NEC we Nokia enjam öndürijileri bilen başladylar.
6G torunyň 2030-njy ýyla çenli ýola goýulmagyna garaşylýar. Tehnologiýanyň has ýokary ýygylykly diapazonlary ulanýandygy sebäpli, signallary geçirmek we güýçlendirmek üçin düýbünden täze infrastruktura gerek bolar.


24.11.2025 12:03
4.1k+

Hytaý roboty durmazdan 100 km-den gowrak ýol geçip, Ginnesiň rekordyny goýdy

Hytaýyň AgiBot (Zhiyuan Robotics) kompaniýasynyň adam şekilli roboty Suçžou bilen Şanhaýyň arasynda durmazdan 106 km ýol geçdi. Bu üstünlik “gumanoid robotynyň iň uzak pyýada syýahaty” hökmünde Ginnesiň rekordlar kitabyna girizildi...

16.11.2025 18:09
2.8k+

«Sanly çözgüt – 2025» bäsleşiginiň ýeňijileri yglan edildi

Türkmenistanyň Söwda-senagat edarasynda «Sanly çözgüt – 2025» bäsleşiginiň ýeňijilerini sylaglamak dabarasy boldy. Bu çäre ýurduň telekommunikasiýa we IT ulgamynda esasy waka bolan «Türkmentel–2025» XVIII Halkara sergisiniň we ylmy maslahatynyň dabaraly ýapylyşynyň çäklerinde geçirildi...

15.11.2025 00:14
8.6k+

Russiýanyň ilkinji gumanoid roboty tanyşdyryldy: birnäçe ädimden soň ol ýykyldy

Moskwada Russiýanyň emeli aňly (EA) ilkinji adam şekilli (gumanoid) robotynyň tanyşdyrylyşy boldy. Bu barada TASS agentligi Milli Tehnologiýa Koalisiýasyna salgylanyp habar berdi. "Moskwa" agentliginiň maglumatyna görä, "Aýdol" (Aidol) atly robot deňagramlylygyny saklap bilmän, eýýäm tanyşdyrylyşyň başynda ýykyldy...

08.11.2025 07:13
4.5k+

Ýaponiýada ýabany köklerden alnan täze üzüm sorty döredildi

Okaýamanyň Tebigy ylymlary uniwersitetiniň alymlary Muskat Siragaý atly täze üzüm sortuny döretdiler. ScienceDaily-niň ýazmagyna görä, ol süýjüligi we ýumşak tagamy bilen tapawutlanýar hem-de geljekde giň gerimde ösdürip ýetişdirmek üçin uly mümkinçiliklere eýe...