Germaniýanyň Adidas kompaniýasy bilen amerikaly ägirt Nike ýene-de kazyýetde garşylaşdylar. Dawa Adidas-yň öz dizaýnynyň bir bölegi hökmünde üç sany parallel zolagy ulanmagynyň üstünde başlady diýip, Die Zeit gazeti habar berýär.
2022-nji ýylda Adidas Nike-yň käbir balaklarynda şuňa meňzeş zolaklary ulanýandygyny aýdyp, bäsdeşini awtorlyk hukuklarynyň bozulmagynda günäkärledi. Şol ýylyň sentýabr aýynda Dýusseldorf kazyýeti amerikan öndürijisine Germaniýada bäş görnüşli sport balagyny satmagyny gadagan etdi.
2023-nji ýylda kazyýet bu karary tassyklady, ýöne Nike şikaýat etdi. Kompaniýa zolakly dizaýnyň "giň ýaýran we ýönekeý" hasaplanýandygyna we onuň ulanylmagynyň Adidas-yň önümlerini awtomatiki usulda göçürmegi aňlatmaýandygyna ynanýar.
