Neýroulgamlaryň kömegi bilen döredilen ilkinji filmiň treýleri çykdy. Ol aýylganç görünýär

  • 20.04.2024 20:06
  • 14k+

Hytaýyň durmuş elektronikasyny öndüriji kompaniýasy TCL neýroulgamlaryň kömegi bilen döredilen ilkinji filmi anons etdi. Bu “Indiki duralga Pariž” atly gysga metražly romantiki komediýadyr diýip, daily.afisha.ru habar berýär.

Internet torunda filmiň eýýäm ilkinji treýleri peýda boldy we onda neýroulgamlaryň giňden ýaýran ýalňyşlyklaryny görmek bolýar. Adam ýüzleri gorkunç we hakyky däl görünýär (aýratynam, mimika gezek gelende), peýzažlar bolsa ýoýulan. Bu treýler eýýäm 117 müň tomaşa ýygnady.
Film öz toýunda söýgülisi tarapyndan taşlanan gyz barada gürrüň berer. Şondan soň ol Pariže ýeke gitmek kararyna gelýär we otluda nätanyş bir adam bilen tanyşýar. Soňlugy bilen olaryň söýgi hekaýasy gülleýär.
Tom’s Hardware neşiriniň pikiriçe, bu film çynlakaý reliz däl-de, has dogrusy, marketing usuly bolmaly. TCL işiň dowamynda filmiň hilini gowulandyrmaga wada berdi.
Komediýanyň premýerasynyň 2024-nji ýylyň tomsunda bolmagyna garaşylýar. Ol täze açylan TCLtv+ striming hyzmatynda görkeziler.


düýn 11:02
6.2k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

düýn 09:20
1.6k+

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

düýn 09:06
3.8k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

28.11.2025 12:06
2.5k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...