“Al-Hilal” Saud Arabystanynyň Super kubogynyň ýarym finalynda “Al-Nasrdan” 2:1 hasabynda üstün çykdy. Ýeňijileriň düzüminde Salem Al Dawsari we Malkom tapawutlandy. “Al-Nasrdan” Sadio Mane gol geçirdi.
Duşuşygyň 86-njy minutynda “Al-Nasryň” hüjümçisi Kriştianu Ronaldu sporta laýyk gelmeýän hereketi üçin meýdançadan çykaryldy: ol tirsegi bilen “Al-Hilalyň” goragçysy Renan Lodiniň ýüzüne urdy. Gyzyl duýduryş berlenden soň, Ronaldu emine hem el götermekçi boldy, ýöne saklandy.
“Al-Hilal” futbol taryhyndaky rekord ýeňişli tapgyryny 33 oýna çenli uzaltdy (ähli ýaryşlardaky oýunlary hasaba almak bilen).
11-nji aprelde ýaryşyň finalynda “Al-Hilal” beýleki ýarym final oýnunda “Al-Wahdadan” üstün çykan “Al-Ittihad” bilen duşuşar.
Häzirki möwsümde Ronaldu ähli ýaryşlarda 37 oýna gatnaşyp, 36 gol geçirdi we 12 netijeli geçirim etdi.
