XPeng P7 elektromobili yzgarly ýolda dolandyrylýan süýşme (drift) arkaly 73,594 kilometr aralygy geçip, Ginnesiň rekordlar kitabyna girdi. Bu barada XPeng Motors kompaniýasynyň ýolbaşçysy He Sýaopen mälim etdi.
Rekord goýlan ýöriş 1 sagat 33 minut dowam etdi. Şol wagtyň içinde awtoulag Suçžoudaky ýörite poligonda 216 aýlawy tamamlady. Meýdançanyň ýüzi süýşme koeffisienti takmynan 0,3-e deň bolan çyg keramika bilen örtüldi. Bu şertler buzda ýa-da dykyz garda hereket edeniňdäki ýagdaýa meňzeşdir.
Kompaniýanyň düşündirişine görä, bu synag awtoulagyň şassisiniň, elektronikasynyň we durnuklylygynyň ýol bilen mäkämligi minimal bolan şertlerde nähili işleýändigini barlamak üçin geçiirldi.
Aýratyn bellenilmeli zat, täzelenen P7 modeli taýgançak ýollarda hereket etmek üçin niýetlenen AES işjeň howpsuzlyk ulgamy bilen enjamlaşdyrylandyr. Ol duýdansyz öwrümler edilende sürüjä gözegçiligi saklamaga kömek edýär. Taslamany işläp düzenler bu rekordy şol ulgamyň mümkinçilikleriniň subutnamasy hasaplaýarlar.
