Curiosity mars roweri Marsda gadymy derýanyň yzlaryny tapdy

  • 05.04.2024 09:35
  • 9.1k+

Indi 12 ýyl bäri Gyzyl planetany öwrenýän Curiosity mars roweri täze ugra - Gediz jülgesine ýetdi. NASA jülgäniň töweregi 360 gradus görkezýän ak-gara panoramasyny çap etdi. AB-News.ru-nyň ýazmagyna görä, roweriň  egrem-bugram kanalyň gaýaly hanasyndan alan suratlary alymlara bu ýerden milliardlarça ýyl ozal derýanyň akandygyny çaklamaga esas berdi.

Geljekki aýlarda Curiosity Marsyň has yssy, çygly geçmişi baradaky maglumatlary ýygnamak bilen, bu kanaly öwrener.
Panoramada "kanalyň bir tarapyny doldurýan garamtyl çäge we gumuň aňyrsynda galyndylaryň üýşmegi görünýär – diýip NASA habar berýär. – Garşylyklaýyn ugurda Curiosity-niň bu ýere gelmek üçin ýokary galan kert eňňidi bar."
Gediz jülgesiniň gaýany ýaryp geçýän kanaly daşlardan we beýleki materiallardan dolupdyr. Alymlar Gediz jülgesiniň bu kanaly ýa derýanyň, ýa ýelleriň ýa-da harsaňlaryň täsiri bilen dörändir diýip çaklaýarlar.
Gediz jülgesini öwrenmek diňe bir Marsyň gadymy taryhyny we ol ýerde ýaşaýyşyň bolmak mümkinçiligini açyp görkezmän, eýsem, suwuň Marsda nädip peýda bolandygy we ýitip gidendigi baradaky düşünjeleri aýdyňlaşdyryp biler.
2014-nji ýyldan başlap Curiosity Şarp dagynyň eteginde gözleg alyp barýar, Marsda howanyň üýtgemegi bilen dörän gatlaklary öwrenýär.
Bu dag etekleriniň aşaky böleginde palçyk minerallaryna baý gatlak tapyldy, bu bol suwuň gaýa bilen täsirleşendigini görkezýär. Curiosity Gediz jülgesinden geçip barýarka, köplenç suw bugaranda emele gelýän sulfatlaryň konsentrasiýasy ýokarlanýandygy görünýär. Bu Gediz jülgesiniň kanalynyň Şarp dagyndan has giç dörändigini aňladýar. NASA-nyň berýän maglumatlaryna görä, kanalyň içindäki harsaňlar we bölekler dagyň depesinden gaçan bolmagy mümkin.


düýn 10:47
1.4k+

NASA “çipdäki beden agzalarynyň” Aýa uçuşa nähili çydajagyny barlar

NASA 10 gün dowam etjek we Aýa uçuşyň dowamynda geçjek Artemis II missiýasynyň çäklerinde AVATAR (A Virtual Astronaut Tissue Analog Response) synagyny geçirer. Synaglaryň dowamynda “çipdäki beden agzalary” - Artemis II-niň astronawtlarynyň süňk ýiliginiň öýjüklerini öz içine alýan fleşkanyň ölçegindäki enjamlar ulanylar...

15.09.2025 18:02
5.3k+

Astronomlar “gara ýyldyzlaryň” bardygynyň alamatlaryny tapdylar

Maks Plankyň astronomiýa institutynyň (MPIA) astronomlary irki Älemde "gara ýyldyzlar" diýilýänleriň bardygynyň alamatlaryny habar berdiler. Bu obýektler käbir gadymy galaktikalaryň adatdan daşary uly massasyny we gara girdaplaryň çalt ösüşini düşündirip bilerdi...

15.09.2025 17:55
4.2k+

Ýerdäki çöllerden alnan bakteriýalaryň Aý we Mars topragynda ýaşap biljekdigi anyklanyldy

Ýerdäki çöllerde tapylan Chroococcidiopsis görnüşli sianobakteriýalar Aý we Mars topragynda ýaşamaga ukyplydygyny görkezdiler. Italiýanyň kosmos gullugynyň (ASI) barlagçylary ReBUS taslamasynyň çäklerinde şeýle netijä geldiler...

15.09.2025 09:54
5k+

Hytaý alymlary ilkinji gezek dinozawr ýumurtgalarynyň takyk ýaşyny kesgitledi

Hytaý alymlary ilkinji gezek ýurduň merkezi böleginde tapylan dinozawrlaryň ýumurtgalarynyň ýaşyny takyk kesgitlemegi başardy. Science XXI neşiriniň maglumatlaryna görä, täze çemeleşme hek döwrüniň klimatyny has çuň öwrenmäge mümkinçilik berer...