“Akyl üçin iýmit”. Kletçatkaly arzan iýmit goşundysy garry adamlaryň ýadyny gysga wagtda gowulaşdyryp biler

  • 20.03.2024 13:29
  • 8.2k+

Londonyň Patyşalyk kollejiniň alymlary gözleg geçirip, onuň dowamynda garry adamlaryň ýadyny we kognitiw funksiýalaryny gowulandyrmagyň ýönekeý we elýeterli usulyny anykladylar. Bu barada Science Alert neşiri habar berýär.

Gözleg prebiotikleriň – içegedäki peýdaly bakteriýalary iýmitlendirýän ýönekeý süýümleriň kabul edilmeginiň 12 hepdäniň dowamynda 65 ýaşdan uly adamlarda ýat we pikirleniş synaglarynyň netijelerini ep-esli gowulaşdyrýandygyny görkezdi.
Tejribä 36 jübüt ekiz gatnaşdy. Ekizleriň biri gündelik kletçatkaly iýmit goşundysyny, beýlekisi plasebo kabul etdi. Gatnaşyjylaryň ählisi fiziki maşklar bilen meşgullanyp, belok goşundylaryny kabul etdiler.
Üç aýdan soň synaglar prebiotikleri kabul edenleriň ýat we pikirleniş synaglarynda plasebo kabul edenlere garanyňda iki esse az ýalňyş goýberendiklerini görkezdi.
Şeýle goşundynyň günlük paýynyň bahasy bary-ýogy 15 britan sentine barabar.

“Bu arzan we görkezmesiz elýeterli bolan ösümlik süýümleri köp adama uly peýda getirip biler – diýip, gözlegiň awtorlarynyň biri Kler Stiws belleýär. – Biziň indiki wezipämiz bu täsirleriň has uzak wagtlap we has köp adamlar toparynda saklanýandygyny ýa-da ýokdugyny anyklamakdan ybarat”.


11.09.2025 19:53
6.4k+

“Jeýms Uebb” teleskopy ýaşamak üçin şertleri bolup biljek planetany tapdy

TRAPPIST-1 ýyldyz ulgamyna girýän TRAPPIST-1e ekzoplanetasynda ýaşaýyş üçin laýyk gelýän şertler bolup biler. Bu barada “Jeýms Uebb” kosmos teleskopyndan alnan täze maglumatlara salgylanyp, NewScientist neşiri habar berýär...

08.09.2025 13:16
3.2k+

Fizikler buzy epip, elektrik energiýasyny aldylar

Alymlar suw buzy epilende elektrik togunyň çykýandygyny ýüze çykardylar. Fleksoelektrik täsiri diýlip atlandyrylýan bu hadysa dürli temperaturalarda syn edildi. Bu açyş çabga bulutlarynda ýyldyrymyň nähili emele gelýändigine has gowy düşünmäge kömek edýär...

07.09.2025 18:54
5.2k+

Gadymy ýantar daşynda “şahly” garynjalaryň täze görnüşi tapyldy

Sankt-Peterburg döwlet uniwersitetiniň alymlary Baltika ýantarynda garynjanyň, takmynan, 37 million ýyl ozal ýaşap geçen näbelli görnüşini tapdylar. Nusga Kaliningrad oblastynyň çäginde tapyldy we ol ganatly ene garynjadyr diýip, TechInsider habar berýär...

06.09.2025 17:40
3.6k+

Fizikler Älemiň geljegini çaklamak üçin matematiki enjam döretdi

Moskwanyň fiziki-tehniki institutyndan (MFTI) rus fizik-teoretikleri Älemimiziň geljegini çaklamak üçin täze matematiki gural döretdi. Ol kosmos masştabynda kwant meýdanlarynyň özüni nähili alyp barýandygyny beýan edýär we Äleme giňelmek şertlerinde nämäniň garaşýandygyna düşünmäge kömek eder...