“Tagtlaryň oýny” serialynda jenap Grigor “Dag” Kliganyň keşbini ýerine ýetiren Haftor Ýulius Býornsson ýerden agyrlyk götermekde täze dünýä rekordyny goýdy. Bu barada BarBend habar berýär.
Germaniýada geçirilen Eisenhart Black Competition ýaryşynda islandiýaly türgen 505 kg agramly ştangany göterdi. Ol ýaryşyň düzgünleri bilen rugsat berlen kostýumy, guşagy we kemerleri ulandy. Ştangany götermek agyr düşdi, ýöne Býornsson muny başardy we eminleriň buýrugy bilen agramy ýere düşürdi. Tomaşaçylar bu üstünligi el-çarpyşmalar bilen garşy aldy we arenada feýerwerkler goýberildi.
Býornsson özüniň 2020-nji ýylda goýan 501 kg rekordyny täzeledi. Şol netije çekişmelere getiripdi, çünki ol resmi ýaryşlarda däl-de, türgenleşik zalynda hasaba alyndy. Häzirki rekorddan öň resmi ýaryşlarda iň gowy netije britaniýaly Eddi Holla degişlidi. Ol 2016-njy ýylda 500 kg göterdi, şondan soň beýnä gan inmegi sebäpli huşuny ýitirdi we wagtlaýyn görmekden mahrum boldy.
Býornsson bilen Holluň bäsdeşligi ozal 2022-nji ýylda boks söweşine getirdi, şonda utuk boýunça islandiýaly türgen ýeňiş gazandy.
