Arylarda garramagy haýallatmak ukyby ýüze çykaryldy. Bu aýratynlyk beýleki organizmlerde synag ediler

  • 07.08.2025 13:04
  • 5.7k+

Lester uniwersitetiniň (Beýik Britaniýa) alymlary amatsyz şertlerde ösýän Nasonia vitripennis arylaryň liçinkalarynyň uly ýaşda has haýal ösýändigini anykladylar. Açyşyň netijeleri Proceedings of the National Academy of Sciences žurnalynda neşir edildi. 

Gürrüň Pteromalidae maşgalasynyň kiçi parazit arylary hakda gidýär. Olar Ýewropada we Demirgazyk Amerikada giňden ýaýrandyr. Bu arylar siňekleriň pilesine ýumurtga taşlaý arlar, şol ýerde-de olaryň liçinkalary ösýär.
Gysga ömri, kiçi göwrümi we köpeltmegiň aňsatlygy sebäpli N. vitripennis genetika we epigenetika boýunça barlaglar üçin amatly model boldy. Gen işjeňligini kadalaşdyrýan DNK-ny metilirleme mehanizminiň barlygy üçin olar has-da gymmatlydyr. Beýleki, miwe siňekleri ýaly, köp sanly organizmlerde bu mehanizm ýok ýa-da gowşak ösen.
Eýmon Mellonyň ýolbaşçylygyndaky topar daşky gurşawyň arylaryň biologik garramagyna täsirini öwrendi. Alymlar liçinkalaryň käbirini dia arakesmäniň döremegine sebäp bolýan şertlerde - ösüşi gijä goýýan pes temperaturada we gysgaldylan günde goýdular. Üç aýlyk dia arakesmeden soň, mör-möjekler genetiki taýdan deň-duşlaryndan ulu boldy, ýöne 30 günden soň olar 2,7 gün ýaşardy.
Barlag dia arakesmäniň epigenetiki garramagy haýalladandygyny ýüze çykardy: garramagyň derejesi 29%, ölmek töwekgelçiligi 65% peseldi, ömrüň ortaça dowamlylygy 36% ýokarlandy. Şeýle hem olarda garramagy haýalladýan gorag molekulýar programmasyny işjeňleşdirdiler.
Şuňa meňzeş metabolik ýollar beýleki organizmleriň garramagyna-da gatnaşýar. Şonuň üçin alymlar bu mehanizmiň süýdemdirijilerde, şol sanda adamlarda emeli usulda açylyp bilinjekdigine düşünmek üçin CRISPR-Cas usulyny ulanmak ýaly goşmaça barlaglary geçirmegi meýilleşdirýärler.


26.08.2025 13:37
9.2k+

Müsürde suwdan gadymy Kanopus şäheriniň bölekleri çykaryldy

Müsür häkimiýetleri Aleksandriýanyň golaýynda Abu-Kir aýlagynda ýerleşen suwa giden gadymy şäheriň böleklerini gury ýere çykardy diýip, The Guardian habar berýär. Bu Müsüri tas 300 ýyl dolandyran Ptolemeý nesilşalygynyň dolandyran we 600 ýyl töweregi ýurdy dolandyran Rim imperiýasynyň döwründe möhüm merkeze öwrülen Kanopus şäheri hasaplanýar...

26.08.2025 13:26
4.9k+

Paleontologlar dinozawrlaryň ýelken şekilli arkasy bolan täze görnüşini açdy

Paleontologlar dinozawrlaryň ýelken şekilli arkasy bolan täze görnüşini açdy. Istiorachis macarthurae adyny alan bu jandarlar 120 mln ýyldan gowrak ozal Angliýanyň günorta kenaryndan uzak bolmadyk ýerde ýaşapdyr diýip, Londondaky Tebigy taryh muzeýine salgylanyp, CNN habar berýär...

25.08.2025 13:04
3.1k+

Awstraliýada adam derisine has ýakyn deri nusgalary ösdürilip ýetişdirildi

Kwinslend uniwersitetiniň ýanyndaky Freýzer institutynyň barlaghanasyndan awstraliýaly alymlar ilkinji gezek doly derejede adam derisiniň gurluşyny gaýtalaýan deri nusgalaryny ösdürip ýetişdirdi. Bu barada ABC ýaýlym korporasiýasy habar berdi...

23.08.2025 12:32
5.6k+

Alymlar žiraflary dört görnüşe böldi

Halkara tebigaty goramak birleşigi (IUCN) žiraflary resmi taýdan dört görnüşe böldi. Ozal olaryň hemmesi bir görnüş diýlip hasaplanýardy diýip, Bi-bi-si belleýär. Indi ylym şu aşakdakylary tapawutlandyrýar: Demirgazyk...