UFC promouşeniniň ýolbaşçysy Dana Waýt Konor Makgregoryň oktagona dolanýandygyny resmi taýdan yglan etdi. Irlandiýaly söweşiji 11-nji iýulda "T-Mobile Arena" meýdançasynda geçiriljek UFC 329 ýaryşynda amerikaly Maks Hollouëý bilen tutluşar.
Agşamyň ikinji möhüm söweşinde 31 ýaşly britaniýaly Peddi Pimblett fransiýaly Benua Sen-Denä garşy çykar.
Makgregor bilen Holloweýiň arasyndaky söweş ýarym orta agramda (77 kg çenli) bolar. Bu Maks Hollouëý üçin bu agram derejesindäki ilkinji çykyşydyr.
Konor Makgregor we Maks Holloweý mundan 13 ýyl ozal, ýagny 2013-nji ýylda hem duşuşypdylar. Şonda Makgregor eminleriň biragyzdan karary bilen ýeňiş gazanypdy.
Makgregor soňky söweşini 2021-nji ýylyň tomsunda Dastin Porýe garşy geçiripdi we aýagyndan alan şikesi sebäpli ýeňlipdi.
Holloweý bolsa şu ýylyň mart aýynda, UFC 326 ýaryşynda Çarlz Oliweýradan eminleriň karary bilen ýeňildi.
Peddi Pimblett vs Benua Sen-Deni
Peddi Pimblett UFC-niň ýeňil agramda wagtlaýyn tituly üçin öňki dalaşgär. Hasabynda 23 ýeňiş we 4 ýeňliş bar. Şu ýylyň ýanwar aýynda ol Jastin Getjiden ýeňlipdi.
Benua Sen-Deniniň hasabynda 17 ýeňiş we 3 ýeňliş bar (bir söweşi geçmedik diýlip hasap edildi). Sen-Deni şu wagt yzly-yzyna 4 ýeňişli seriýany dowam etdirýär, munuň içine ýanwar aýynda Den Hukerden gazanan ýeňşi hem girýär.
