Russiýanyň Kubogy Fonbet-iň birinji raundynyň Krasnodar ülkesinden höwesjeň futbol kluby “PSK” bilen Maýkopdan “Družba” toparynyň arasyndaky oýnunda täsin ýagdaý bolup geçdi.
“Sport Mail-iň” habar bermegine görä, oýnuň esasy wagty 1:1 hasabynda tamamlandy. Ýeňiji penalti tapgyrynda kesgitlendi. Ol “PSK-nyň” peýdasyna 10:9 hasabynda tamamlandy.
Üýtgeşik pursat “PSK-nyň” oýunçysy Ýuriý Fedoseýew 11 metrden topy degen wagty bolup geçdi. Top derwezäniň ýokarky bölegine degip, ýokary uçdy. “Družbanyň” derwezebany Maksim Wertiýew eýýäm begenip başlapdy, ýöne top ota düşüp, birden hem derwezä girdi.
Bu gol “Матч ТВ” saýtynyň ýaýlym teswirçilerinde uly täsir döretdi.
“Söýeg halas edýär… Ýok, bu gol! Nämeleriň bolýandygyny göz öňüne getirip bilýäňizmi? Bu akyla sygmajak! Men şular ýaly zatlary wideolarda görüpdim, ýöne ýeke gezek hem gözüm bilen görüp, teswir bermedim. Nämeler bolýar? Ine, bu şüweleň!” – diýip, Wladislaw Rodnikow aýtdy.
