Hytaýyň Guizhou welaýatynda dünýäniň iň beýik köprüsiniň gurulmagy bilen ýokary tizlikli ýoluň bir bölegi tamamlanýar. Taslamanyň haýrana goýýan suratlary we wideo şekilleri Reddit-de peýda boldy.
Çylşyrymly relýefli daglyk ýerdigi sebäpli gurluşykçylar egrem-bugram ötükleri geçirmegi makul tapman, tersine, birnäçe dagyň gerşini “kesdiler”.
Ýoluň esasy elementi Huaszýan jülgesiniň üstünden geçýän köprüdir. Onuň gurluşygy 2021-nji ýylda başlandy.
Köpriniň umumy uzynlygy 2948 metr, esasy sütünleriniň aralygy 1449 metre ýetýär. Ýol ýerden 625 metr belentlikde ýerleşip, bu köprini dünýäde iň beýik köpri edýär.
Desgany 2025-nji ýylyň ahyrynda açmak meýilleşdirilýär. Bu köpriniň sebit üçin täze syýahatçylyk merkezine öwrülmegine we sportuň ekstremal görnüşlerine höwesjeňleri özüne çekmegine garaşylýar.
