2024-nji ýylda ADM Jizzakh zawody şäher içine niýetlenen Kia Sonet ykjam krossowerini öndürip başlar. Daryo.uz-yň habar bermegine görä, bu Özbegistanda doly önümçilik siklini (CKD) ulanyp öndüriljek ilkinji Kia awtoulagydyr.
Sonet-iň önümçiligi häzirki zaman enjamlary bilen enjamlaşdyrylan kärhananyň täze meýdançasynda amala aşyrylar. Kuwwatlylygy ýylda 100 000 awtoulag çykarmaga niýetlenendir. Işe giriziş-ýola goýuş işlerini 2024-nji ýylyň mart aýynda tamamlanmak meýilleşdirilýär.
Kia Sonet - dinamiki dizaýnly we häzirki zaman tehnologiýaly “akylly krossower”. Modeliň ýaşlara, esasanam, “millenial” we “Z nesli” nesilleriniň wekillerine gönükdirilendigi bellendi.
Sonet eýýäm Hindistanda iň köp satylan ykjam krossowerleriň birine öwrüldi (her ýylda 100 000-den gowrak alyjysy bar).
Öndürijiler “Kia Sonet”-iň önümçiliginiň we satuwynyň başlanjak senesi, 2024-nji ýylyň ýazynda Özbegistanyň bazary üçin aýratynlyklar barada has jikme-jik maglumat bererler.
