NASA-nyň hemra suratlary ABŞ-nyň şäherleriniň nähili tizlik bilen suwuň astyna çöküp barýandygyny görkezýär

  • 04.03.2024 14:44
  • 14k+

NASA-nyň hemra suratlary ABŞ-nyň Nýu-Ýork, Baltimor we Çarlston ýaly gündogar kenarýaka şäherleriniň ýerleşen ýeriniň howsala salýan tizlik bilen suwuň astyna çöküp barýandygyny görkezýär. PNAS Nexus žurnalynda çap edilen gözlegiň netijesine görä, 2007-2020-nji ýyllar aralygynda bu şäherleriň astyndaky ýer ýylda ortaça 1-2 mm çöküpdir.

Delawer, Merilend, Günorta Karolina we Jorjiýa ştatlarynyň käbir etraplarynda çöküşiň depgini iki ýa-da üç esse artdy.
Merkezi deňiz derejesinden bary-ýogy 3 metr beýiklikde ýerleşýän Çarlstonyň ýeriniň çöküşi hemmesiniňkidenem çalt. Şäher ýylda 4 mm töweregi çökýär.
NASA-nyň Ýer obserwatoriýasynyň gözlegçileri ABŞ-nyň Gündogar kenarýakasynda gury ýeriň hereketini görkezýän kartany döretdiler. Goýy gök reňk bilen bellenen ýerler iň çalt depginde çökýär.
Ýeriň çökmegi şor suwuň ekerançylyk ýerlerine, ekinlere we süýji suwuň ätiýaçlyklaryna aralaşmagyna, şeýle hem ýabany haýwanlaryň ýaşaýan ýerlerine täsir etmegine getirip biler. Bu ýagdaý, esasanam, deňiz derejesi ýokarlanan halatynda, infrastruktura we daşky gurşawa howp salýar.


22.10.2025 22:11
4.2k+

ABŞ-da gurluşykda poladyň ornuny tutup biljek “super agaç” peýda boldy

ABŞ-da “Superwood” atly täze gurluşyk materialy satuwa çykaryldy. Onuň berkliginiň agramyna bolan gatnaşygy poladyňkydan on esse ýokary, şonuň üçin hatda gökdiren binalary gurmakda-da ulanylýar diýip, CNN habar berýär...

08.10.2025 07:10
6.4k+

Floridada köçelere ilkinji gezek awtonom polisiýa awtomobili gözegçilik edip başlady

Maýami-Deýd okrugynyň (Florida ştaty, ABŞ) köçelerine ilkinji awtonom polisiýa awtomobili çykdy. Policing Lab we şerifiň ofisi bilen bilelikde durmuşa geçirilen taslama Police Unmanned Ground Patrol Partner (PUG) adyny aldy...

07.10.2025 15:59
4k+

Meta ABŞ-da 70 futbol meýdançasynyň ululygyndaky maglumat merkezini gurýar

Meta kompaniýasy Luiziana ştatynda (ABŞ) 4 million inedördül fut (371 600 inedördül metr töweregi) meýdany bolan emeli aň maglumat merkezini gurýar, bu takmynan 70 futbol meýdançasyna deňdir. Reuters-iň habar bermegine görä, desganyň umumy çykdajysy takmynan 10 milliard dollar bolar...

30.09.2025 10:12
2.9k+

Hytaý 2024-nji ýyla çenli ähli ýurtlardan öňe geçip, 300 müň senagat robotyny gurnady

Halkara Robototehnika federasiýasynyň hasabatyna görä, 2024-nji ýyla çenli Hytaýda, takmynan, 300 müň senagat roboty gurnaldy, bu dünýäniň ähli ýurtlarynyň bilelikde gurnanyndan hem köpdür. Umuman alanyňda, häzirki wagtda Hytaýyň zawodlarynda şeýle maşynlaryň 2 milliondan gowragy işleýär...