Microsoft “Öwrenjeler üçin generatiw emeli aň” mugt kursuny açdy

  • 02.03.2024 17:49
  • 2.6k+

Microsoft kompaniýasy GitHub serwisinde “Öwrenjeler üçin generatiw emeli aň” mugt kursuny ýerleşdirdi. Ol uly dil modelleri, emeli aň agentleri bilen işlemegiň esasy ýörelgeleri we bularyň ählisini öz taslamaňy işläp taýýarlamakda nähili ulanmalydygy barada gürrüň berýän 18 tekst sapagyny öz içine alýar.

Kursuň maksatnamasyny özleşdirmek üçin OpenAI API ýa-da Azure OpenAI Service hyzmatyna elýeterli bolmaly, Python-da ýa-da TypeScript-de esas derejede kod ýazyp bilmeli we GitHub-da hasaba alynmaly. Okuw doly derejede mugtdur.
Kompaniýa amaly bölek we tema boýunça has jikme-jik materiallara salgylanmalary jemleýän “Öwrenmegi dowam etdirmek” blogy bilen jemi 18 sapak taýýarlady. Okuw neýroulgamlaryň esasynda öz programmalaryňyzy we serwisleriňizi işläp başlamaga kömek etjek esaslary öz içine alýar.

Sapaklaryň sanawy şulardan ybarat:

  • Generatiw emeli aňa (AI) we LLM-e (uly dil bilimi) giriş;
  • Dürli LLM-i öwrenmek we deňeşdirmek;
  • LLM-i  jogapkärli ulanmak;
  • Prompt-inžiniringiň esaslary;
  • Öňdebaryjy promptlary döretmek;
  • Teksti emele getirmek üçin programmalary döretmek;
  • Çat-botlary döretmek;
  • Gözleg ulgamlaryny döretmek;
  • Şekil generatorlaryny döretmek;
  • low-code AI programmalaryny döretmek;
  • Funksiýalary çagyryşyň kömegi bilen üçünji tarap programmalaryny birleşdirmek;
  • Emeli aň programmalary üçin UX-dizaýny;
  • Emeli aň programmalarynyň howpsuzlygyny üpjün etmek;
  • Emeli aň programmalarynyň ýaşaýyş sikli;
  • RAG (Retrieval Augmented Generation) we wektor maglumat bazalary;
  • Açyk modeller we Hugging Face;
  • Emeli aň agentleri;
  • Faýn-týuning LLM.

Kurs materiallaryny GitHub-da ýa-da saýtda öwrenip bilersiňiz.


27.08.2025 15:44
4.7k+

Hytaý dünýäde ilkinji suwasty emeli aň maglumat merkezini gurýar

Hytaý emeli aň üçin dünýäde ilkinji suwasty maglumat merkezini gurýar. Bu desga Şanhaýyň kenaryndan 10 km uzaklykda ýerleşip, golaýdaky deňiz ýel elektrostansiýasyndan energiýa alar diýip, Live Science habar berýär...

22.08.2025 08:10
995

Google "Gemini" emeli aňyna resminamalary sesli okamak funksiýasyny goşdy

Google kompaniýasynyň işläp düzüjileri «Google Dokumentler» hyzmatyna teksti ses formata öwürmäge mümkinçilik berýän täze funksiýany girizdiler. Bu gurallar emeli aňyň Gemini modeliniň esasynda işleýär. «Audio» atly täze gural iş meýdançasynyň ýokarky bölegindäki «Gurallar» menýusynda peýda boldy...

21.08.2025 16:21
1.6k+

Kosmosdaky ilkinji EA kömekçisi: Hytaý orbita “Ukun” ulgamyny çykardy

“Týangun” stansiýasyndaky hytaý astronawtlary ilkinji emeli aň kömekçisini aldylar. Ýerli açyk modeliň esasynda döredilen “Ukun” atly ulgam täze skafandrlar, miweler we beýleki ätiýaçlyklar bilen “Týançžou-9” ýük gämisi arkaly stansiýa eltildi...

18.08.2025 09:58
3.1k+

OpenAI Neuralink-iň çägine girýär. Kompaniýa beýni çiplerini döretmäge maýa goýýar

Amerikanyň OpenAI kompaniýasy we ony esaslandyryjy Sem Altman beýni implantlary üçin interfeýsleri döredýän Merge Labs başlangyjyna maýa goýmagy meýilleşdirýärler. Bu barada üç sany anonim çeşmä salgylanyp, Faýnansial Taýms habar berdi...