Halkara kosmos stansiýasynda (ISS) howanyň syzýandygy ýüze çykaryldy. Kommersant -yň habar bermegine görä, “Roskosmos” we NASA bu barada 28-nji fewralda habar berdi.
Amerikan tarapynyň berýän maglumatyna görä, “Progress” ýük gämileriniň sepleşiş duralgasy bolan “Zwezda” modulynyň geçiş kamerasynda bir hepde mundan öň howanyň syzýandygy bilindi. Syzma ýüze çykarylan pursadyndan bäri ol iki güýjedi.
NASA-daky HKS maksatnamasynyň başlygy Joel Montalbano syzmanyň ekipaž we stansiýa üçin çynlakaý howpunyň ýokdugyny aýtdy. Ol: "Häzirki wagtda bu ekipažyň howpsuzlygyna düýpli täsir etmeýär" - diýdi.
“Roskosmos” syzmanyň hakykatdyny tassyklady, ýöne jikme-jik maglumat bermedi.
2020-nji ýylda hem “Zwezda” modulynda 4 santimetrlik jaýryk tapylyp, abatlanypdy. 2021-nji ýylyň noýabr we dekabr aýlarynda bolsa howanyň syzmagyna sebäp bolup biljek başga-da kemçilikler tapylypdy.
Roskosmosda: "Stansiýanyň durkunyň könelmegi hem-de bortda abatlaýyş we dikeldiş işleriniň geçirilmegine barha artýan zerurlyk ekipažyň ep-esli wagtyny alýar" – diýip habar berdiler.
