Türkmenistanda BMG bilen hususy pudagyň hyzmatdaşlyk meýdançasy işe girizildi

  • 29.02.2024 07:44
  • 2.4k+

BMG-niň Aşgabat şäherindäki binasynda, telekeçiligiň we esasy gyzyklanýan taraplaryň milli ösüş maksatlary, 2030-njy ýyla çenli döwür üçin gün tertibi we Durnukly ösüş maksatlary babatynda ileri tutulýan ugurlary kesgitlemek boýunça tagallalaryny birleşdirmek maksady bilen, döredilen BMG bilen hususy pudagyň hyzmatdaşlyk meýdançasy işe girizildi.

Bu çärä BMG-niň ýurt boýunça edaralarynyň, Türkmenistanyň Senagatçylar we telekeçiler bileleşiginiň wekilleri, ilçiler we ilçihana işgärleri, Türkmenistandaky halkara guramalaryň ýolbaşçylary hem wekilleri gatnaşdy diýip, "Türkmenistan: Altyn asyr" elektron neşiri habar berýär.
Hususy pudagyň 2030-njy ýyla çenli döwür üçin gün tertibini we Durnukly ösüş maksatlaryny durmuşa geçirmäge gatnaşmagynyň ähmiýeti çäräniň esasy mowzugy boldy. Çykyş edenler «Türkmenistan innowasiýalary, gorlary we hususy iş tejribesini ulanmak bilen, durnukly ösüşine barýan ýolda depginini çaltlaşdyryp biler» diýen pikiri goldadylar.
Bu tagallalar başlangyçlaryň üstüni ýetirmek bilen bir hatarda, bilim, tejribe we gor alyş-çalşygy üçin merkezleşdirilen meýdança bilen üpjün eder we durnukly ösüş meselelerinde gepleşikdir hyzmatdaşlygyň möhüm forumyna öwrüler. Yzygiderli duşuşyklar we çekişmeler gyzyklanýan taraplaryň bu işe çekilmegini we habarly bolmagyny üpjün etmek bilen, hyzmatdaşlygyň hem maglumat alyşmagyň medeniýetini ösdürer.
Geljekde bu meýdançanyň ýurduň ösüş meýilnamasyny emele getirmek we öňde goýlan maksatlary amala aşyrmak işinde görnükli netijeler gazanmakda uly orny eýelejekdigine garaşylýar. «BMG bilen hususy pudak hyzmatdaşlyk meýdançasynyň döredilmegi ýurduň hususy telekeçiliginiň giň gerimli we durnukly ösüşe bolan ygrarlylygyny görkezýär. Biz hyzmatdaşlyk arkaly kynçylyklary ýeňip geçip, hemmeler üçin ýagty geljege ýetmek ugrunda iş alyp baryp bileris» diýip, BMG-niň Türkmenistandaky hemişelik utgaşdyryjysy Dmitriý Şlapaçenko aýdýar.


şu gün 09:25
515

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

şu gün 09:21
1.4k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

şu gün 09:16
3.6k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...

düýn 22:35
2.2k+

Kiýewdäki kitaphanada Magtymgula we ukrain pelsepeçisi Grigoriý Skoworoda bagyşlanan sazly çäre geçirildi

26-njy noýabrda Kiýew şäheriniň Swýatoşinskiý etrap döwlet dolandyryş edarasynyň Medeniýet bölüminiň «Swiçado» merkezi kitaphana ulgamynyň Magtymguly adyndaky kitaphanasynda «Ruhy çyraglar: Skoworoda we Magtymguly» atly şygryýet we saz çäresi geçirildi...