ABŞ-nyň Azyk önümleriniň we derman serişdeleriniň hiline gözegçilik müdirligi (FDA) ulularda sowuk almany bejermek üçin ilkinji derman serişdesini tassyklady. Düzgünleşdirijiniň web sahypasynda aýdylyşyna görä, Aurlumyn sanjym dermanynyň düzüminde gan damarlaryny giňeldýän we ganyň uýamagynyň öňüni alýan madda bolan iloprost bar.
FDA-nyň Derman serişdelerine baha bermek we gözleg merkeziniň kardiologiýa we nefrologiýa bölüminiň müdiri Norman Stokbrij: "Bu tassyklama näsaglara güýçli sowuk almany bejertmegiň ilkinji wariantyny hödürleýär" -diýdi.
Derman elleriň ýa-da aýaklaryň barmaklaryny kesilmek töwekgelçiligini azaldar diýip bellenilýär. Sowuk alma birnäçe tapgyrda bolup geçýär: medisinanyň gatyşmagyny talap etmeýän we derä hemişelik zeper ýetirmeýän ýeňil görnüşden başlap, agyr görnüşde: deriniň we dokumanyň doňup, gan aýlanyşynyň kesilmegine çenli bolup biler.
Aurlumyn 1996-njy we 2008-nji ýyllar aralygynda güýçli sowuk alma sezewar bolan 47 sany uly ýaşly adamda öwrenildi. Netijeler iloprost alan näsaglarda amputasiýanyň zerurdygyny görkezýän alamatlar ýedilenji gün diýende ep-esli azalyp başlaýandygyny görkezdi.
Şol bir wagtyň özünde, Aurlumynyň zyýanly täsirleri hem bar, iň köp ýaýranlary kellagyry, gyzarma, ýüregiň çalt urmagy, ýürek bulanma, gusmak, baş aýlanma we gipotenziýa (gan basyşy gaty pes).
