Hytaýly mugallymlar barlag işlerini barlamak üçin emeli aň ulgamyny ulanyp başladylar. Neýroulgam ykjam goşundy görnüşinde ulanylýar.
Işi barlamak üçin smartfony bellikler edilen kagyzyň ýüzüne tutmaly. Ondan soň emeli aň teksti seljerýär, ýalňyşlyklary kesgitleýär we birnäçe sekundyň içinde netije çykarýar.
Programmany döredijileriň web sahypasynda bellenilmegine görä, bu ulgam çäksiz möçberde işleri barlamaga mümkinçilik berýär. Geçirilen gözlegleriň netijelerine görä, mugallymlaryň 60%-i okuwçylaryň işlerini barlamak üçin örän köp wagt sarp edýärler. Bu ulgamyň girizilmegi bolsa bu işi ýeňilleşdirer we çaltlaşdyrar.
Emeli aň beýleki ýurtlarda hem ulanylýar. Şeýlelik bilen, Awstriýanyň «OBV» neşirýatynyň berýän maglumatlaryna görä, ýerli mugallymlaryň 44%-i ondan peýdalanýarlar.
