LVMH (Louis Vuitton Moet Hennessy) kompaniýalar toparynyň prezidenti Bernar Arno dünýäniň iň baý adamlarynyň sanawynda Ilon Maskdan öňe geçip, birinji orny eýeledi. Bu barada “Forbes” žurnalyna salgylanyp, TASS habar berýär.
Onuň maglumatlaryna görä, Arnonyň baýlygy 21,6 mlrd dollar artdy we häzir 205,8 mlrd dollar bilen bahalandyrylýar.
Sanawda Ilon Mask ikinji orna düşdi, onuň Tesla we SpaceX kompaniýalarynyň umumy kapitaly 204,2 mlrd dollara barabar. Onuň yzyndan Amazon korporasiýasynyň esaslandyryjysy Jeff Bezos ($179,9 mlrd), Oracle korporasiýasynyň esaslandyryjylarynyň biri Larri Ellison ($142,6 mlrd) we Meta korporasiýasynyň ýolbaşçysy Mark Sukerberg ($138,8 mlrd) gelýär. Şeýle-de, dünýäniň iň baý adamlarynyň ilkinji onlugyna Berkshire Hathaway holdinginiň ýolbaşçysy Uorren Baffet ($125,9 mlrd) we Microsoft kompaniýasynyň esaslandyryjysy Bill Geýts ($122,8 mlrd) girdi.
