Üstümizdäki ýylyň netijelerine görä, Türkiýe syýahatçylykdan 55,6 milliard dollar girdeji alar we 2028-nji ýylda bolsa ol 100 milliard dollara ýeter diýip garaşýar. Muny respublikanyň Medeniýet we syýahatçylyk ministri Mehmet Nuri Ersoý CNN Turk ýaýlymynda habar berdi.
"Bu ýyl syýahatçylykdan 55,6 milliard dollar girdeji almagy maksat edipdik. Bu habar yglan edilenden soň, weýrançylykly fewral ýer titremesini başdan geçirdik, soňra Türkiýe saýlawlara başlady. Pudagyň 9 aýdaky girdejisi 42 milliard dollar boldy. Kynçylykly pursatlary başdan geçirendigimize garamazdan, başdan kesgitlän maksadymyza golaýlaýarys" - diýip, Türkiýäniň Syýahatçylyk ministrliginiň ýolbaşçysy aýtdy.
Onuň sözlerine görä, Türkiýe geljek ýyllar üçin has uly maksatlar goýýar, şol sanda tutuş ýylyň dowamynda ýyllyk syýahatçylyk ýurduna öwrülip, 2028-nji ýylyň ahyryna çenli syýahatçylykdan 100 milliard dollar girdeji alar. "Bu hakykatdanam amal edip boljak maksat " -diýdi.
2022-nji ýylda Türkiýä 44,6 million syýahatçy geldi, syýahatçylyk pudagynyň girdejisi 46,4 milliard dollar boldy. Bu ýyl takmynan 60 million syýahatçyny kabul etmegi meýilleşdiripdi.
