Türkmen oba hojalyk uniwersitetiniň wekilleri Eýran Yslam Respublikasynyň Gürgen Oba hojalygy ylymlary we tebigy baýlyklar uniwersitetine baryp gördüler.
Iş sapary wagtynda iki ýurduň wekilleriniň arasynda ikitaraplaýyn duşuşyklar geçirildi. Gepleşikleriň dowamynda ýokary okuw mekdepleriniň arasynda bilim pudagyndaky hyzmatdaşlyk boýunça düşünişmek hakyndaky memorandumy durmuşa geçirmegiň meseleleri ara alnyp maslahatlaşyldy diýip, Halkara habarlar merkezi habar berýär.
Saparyň çäginde ylmyň we oba hojalygynyň gazananlaryna bagyşlanan sergi guraldy. Şeýle hem Türkmenistanyň wekiliýeti Gürgen şäheriniň innowasiýalar merkezine baryp, ýerli häkimiýetleriň wekilleri bilen duşuşyklar geçirdi. Wekiliýet sebitiň ekerançylyk meýdanlary we ýyladyşhanalary bilen hem tanyşdy.
