Türkmenistanda Adam hukuklary boýunça ygtyýarly wekili Ýazdursun Gurbannazarowanyň ýolbaşçylygyndaky türkmen wekiliýeti 2023-nji ýylyň 29–30-njy noýabrynda Gruziýa iş saparyny amala aşyrdy.
Türkmenistanyň Gruziýadaky wekilhanasynyň habar bermegine görä, Saparyň çäklerinde Türkmenistanyň Adalatçysy Ýazdursun Gurbannazarowa bilen Gruziýanyň Halk goragçy edarasynyň (Ombudsmen) ýolbaşçysy Lewan Ioselianiniň arasynda ikiçäk duşuşyk guraldy.
Taraplar ikitaraplaýyn hyzmatdaşlygyň çäklerinde tejribe alyşmak, şeýle hem milli hukuk goraýjy edaranyň netijeliligini ýokarlandyrmak mümkinçiliklerine aýratyn üns berdiler. Iki ýurduň arasynda özara gatnaşyklaryň möhüm meselelerini ara alyp maslahatlaşdylar we hyzmatdaşlygyň ýakyn geljekdäki gün tertibi barada pikir alyşdy.
Soňra Gruziýanyň Halk goragçy edarasynyň orunbasary hanym E.Guduşauri merkezi edaranyň alyp barýan ugurlary, onuň düzüm birlikleri we sebitleýin edaralarynyň işi bilen giňişleýin tanyşdyrdy.
Şeýle hem türkmen wekiliýeti Gruziýanyň Ýörite derňew gullugynyň, Adam hukuklary boýunça merkeziň we beýleki degişli edaralaryň ýolbaşçylar bilen ikitaraplaýyn duşuşyklary geçirdi.
Hususan-da, duşuşyga gatnaşyjylar adam hukuklaryny we azatlyklaryny goramak we ilerletmegiň wajyp ugurlary boýunça pikir alyşdylar.
