Duşenbede Bilelikdäki türkmen-täjik Hökümetara toparynyň nobatdaky mejlisi geçirildi

  • 29.11.2023 00:35
  • 6.4k+

27-28-nji noýabrda Duşenbe şäherinde söwda-ykdysady, ylmy-tehniki hyzmatdaşlyk boýunça Bilelikdäki türkmen-täjik Hökümetara toparynyň on ikinji mejlisi geçirildi.

Türkmen tarapynyň ýolbaşçysy hökmünde wise-premýer T.Atahallyýew, täjik tarapyndan - Täjigistan Respublikasynyň Premýer ministriniň Orunbasary Ziýozoda Sulaýman Rizoi çykyş etdi.
Mejlisiň dowamynda taraplar söwda-ykdysady we maýa goýum hyzmatdaşlygyna, energetika we suw serişdeleri, oba hojalygyndaky bilelikdäki işleriň güýçlendirilmegine, şeýle hem ulag we logistika pudagyndaky hyzmatdaşlygy güýçlendirmeklige, iki ýurduň arasyndaky bilim, ylym, lukmançylyk, medeniýet we sport ugurlarynda özara gatnaşyklary ösdürmek we çuňlaşdyrmakdaky meseleleriň giň toplumyna garadylar.
Şeýle hem iki ýurduň wekiliýet agzalarynyň çykyşlary diňlenildi, olaryň çäklerinde geljegi bar bolan dürli ugurlarda hyzmatdaşlygy mundan beýläk-de ösdürmek üçin amatly şertleriň bardygy bellenildi. Şunuň bilen baglylykda, işewür gatnaşyklary hasam höweslendirmek, iki ýurtda öndürilýän önümler bilen özara tanyşmak, eksport-import mümkinçiliklerini öwrenmek we ykdysady hyzmatdaşlygy ösdürmegiň täze görnüşlerini gözlemek zerurlygy beýan edildi.
Geçirilen mejlisiň netijeleri boýunça söwda-ykdysady, ylmy-tehniki hyzmatdaşlyk boýunça Bilelikdäki türkmen-täjik Hökümetara toparynyň on ikinji mejlisiniň Teswirnamasyna gol çekildi.
Nobatdaky 13-nji mejlisiň  2024-nji ýylda Aşgabat şäherinde geçirilmegi meýilleşdirilýär.


şu gün 00:36
543

Balkan welaýaty Gazagystanyň Mangistau welaýaty bilen strategik hyzmatdaşlygyň maksatnamasy ylalaşyldy

28-nji awgustda Türkmenistanyň Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet iş sapary bilen Gazagystanyň Mangistau welaýatyna bardy diýip, Türkmenistanyň DIM-nde habar berdiler...

düýn 19:50
4.2k+

Serdar Berdimuhamedow dört günlük iş sapary bilen Hytaýa bardy

Şu gün, 31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň sammitine we Ýeňşiň 80 ýyllygyna bagyşlanan dabaralara gatnaşmak üçin dört günlük iş sapary bilen Hytaý Halk Respublikasynyň Týanszin şäherine geldi...

30.08.2025 18:33
11k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

30.08.2025 18:18
5.6k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...