Türkiýe 2023 – 2027-nji ýyllar üçin ÝUNESKO-nyň Bütindünýä mirasy komitetiniň agzasy hökmünde saýlandy. Bu barada Türkiýäniň medeniýet we syýahatçylyk ministri Mehmet Nuri Ersoý aýtdy diýip, Trend habar berýär.
Ministr Türkiýäniň Parižde geçirilen gatnaşyjy döwletleriň 24-nji Baş assambleýasynyň sessiýasynda ses bermek arkaly komitetiň agzasy hökmünde saýlanandygyny belledi.
Şeýle-de, ministr dört ýyllyk agzalyk döwründe Türkiýäniň Bütindünýä mirasy komitetiniň beýleki agzalary bilen bir hatarda ÝUNESKO-nyň Bütindünýä mirasynyň sanawyna girizmek üçin dalaşgärler bilen baglanyşykly çözgütleri kabul etmek prosesinde ses bermek hukugyna eýe boljakdygyny sözüniň üstüne goşdy.
