Ilon Mask ilkinji nusgasy görkezilenden dört ýyl soň, Demirgazyk Amerikada Tesla Cybertruck elektrikli pikapyň satuwynyň başlandygyny habar berdi.
Ol çarşenbe güni özüniň X (öňki Twitter) sosial torundaky sahypasynda "Cybertruck eýýäm Demirgazyk Amerikanyň Tesla dükanlaryna tarap ýola düşdi" – diýip ýazdy.
Iýul aýynda Tesla Tehasdaky zawodynda ilkinji Cybertruck kysymly seriýaly pikapy ýygnady.
Tesla ilki Cybertruck-y 2019-njy ýylda görkezipdi, şonda elektrikli pikapyň köpçülikleýin önümçiligine 2021-nji ýylda başlamak we awtoulagyň başlangyç bahasynyň takmynan 40 müň dollar töweregi bolmagy meýilleşdirilipdi. 2022-nji ýylyň ýanwar aýynda Mask komponentleriň ýetmezçiligi sebäpli Cybertruck-iň önümçiliginiň 2023-nji ýyla çenli yza süýşürilýändigini aýdypdy. Kompaniýanyň nygtamagyna görä, pikap 1,5 tonnadan gowrak ýüki göterip biler, 2,9 sekuntda 96 km/sag tizlige ýeter we bir batareýa zarýady bilen 800 km ýol geçer.
