Golaýda Hytaý dil bilimi we hyzmatdaşlyk merkeziniň we Türkmenistanyň aýry-aýry ýokary okuw mekdepleriniň arasynda hytaý dili mugallymlary bilen üpjün etmek barada hyzmatdaşlyk etmek hakyndaky Ylalaşyga gol çekiler.
Bu barada Prezident Serdar Berdimuhamedowyň Hytaýyň Kommunistik partiýasynyň Merkezi komitetiniň Syýasy býurosynyň agzasy, Sinzýan-Uýgur awtonom raýonynyň partiýa komitetiniň sekretary Ma Sinžuý bilen duşuşygynda bellenilip geçildi.
Bellenilişi ýaly, türkmen tarapyndan Ylalaşyga Magtymguly adyndaky Türkmen döwlet uniwersiteti, Halkara ynsanperwer ylymlary we ösüş uniwersiteti hem-de Döwletmämmet Azady adyndaky Türkmen milli dünýä dilleri instituty gatnaşar.
Türkmenistanyň orta we ýokary okuw mekdeplerinde hytaý dilini öwrenýän ýaşlaryň sany ýylsaýyn artýar, ýurdumyzyň talyplarynyň köpüsi bolsa Hytaýda okaýar.
Bu resminama gol çekilmegi däp bolan ynsanperwer gatnaşyklaryny işjeňleşdirmäge täze itergi berer.
