Şu gün, 16-njy noýabrda Mary welaýatynyň kitaphanasynda “Beýik Ýüpek ýolunyň täze eýýamy” atly Merkezi Aziýa ýurtlarynyň we Hytaý Halk Respublikasynyň ýaşlarynyň forumy açyldy diýip, Türkmenistan Halkara Habarlar portaly habar berýär. Bu forum Merkezi Aziýa ýurtlarynyň we Hytaýyň ýaşlar guramalarynyň arasyndaky dostlukly gatnaşyklary berkitmäge bagyşlanandyr.
Halkara foruma gatnaşyjylary Türkmenistanyň milli medeniýetiniň sergisi garşylaýar. Kitaphananyň öňünde sowgatlyk ýadygärlikleri we beýleki halk döredijiliginiň predmetleri bilen diwarlyklar ýerleşdirildi. Bu ýerde milli halylarymyz, milli şaý-seplerimiz we egin-eşiklerimiz hem görkezilýär. Öz gezeginde, talyplar dürli ugurlarda öz ylmy işleri bilen tanyşdyrdylar.
Halkara foruma 150-den gowrak ýaşlar gatnaşýar. Olaryň 50-den gowragy Merkezi Aziýa ýurtlaryndan we HHR-den geldi. Bu çäre Türkmenistanyň Magtymguly adyndaky Ýaşlar guramasy, Türkmenistanyň Bilim we Daşary işler ministrlikleri tarapyndan gurnaldy.
Gatnaşyjy döwletleriň ýaşlary ilkinji gezek gadymy Merw şäherinde ýygnanýarlar. Bu başlangyjy Türkmenistanyň Prezidenti Serdar Berdimuhamedow Sian şäherinde geçirilen “Merkezi Aziýa – Hytaý” formatyndaky birinji sammitde öňe sürdi.
Forum üç gün dowam eder.
