Türkmenistanyň wekiliýeti Parižde geçirilýän ÝUNESKO-nyň 42-nji Baş konferensiýasynyň çäklerinde guramanyň Ýaşlar forumyna gatnaşýar. Ýurdumyza Türkmenistanyň ÝUNESKO-daky hemişelik wekili Maksat Çaryýew, Magtymguly adyndaky Ýaşlar guramasynyň Merkezi geňeşiniň başlygy Ýazpolat Keriýew hem-de Halkara ynsanperwer ylymlary we ösüş uniwersitetiniň 4-nji ýyl talyby wekilçilik edýär.
“Durmuş we ynsanperwer ylymlary pudagy tarapyndan gurnalan ÝUNESKO-nyň Ýaşlar forumy ýaşlara maslahatlara we çekişmelere gatnaşmak, şeýle-de ÝUNESKO-nyň Baş konferensiýasy wagtynda agza döwletler bilen tekliplerini we çözgütlerini paýlaşmak mümkinçiligini berýär” – diýip, Türkmenistanyň Fransiýadaky ilçihanasynyň metbugat gullugy habar berýär.
Forumyň dowamynda iki günde, 14-15-nji noýabrda howanyň üýtgemeginiň sosial netijeleri we adalatly “ýaşyl” öwrülişik baradaky mesele gözden geçiriler. Umuman alanyňda, çärä 150 ýurtdan 170-e golaý ýaşlar, ýaşlar syýasaty boýunça 33 töweregi ministrlik gatnaşýar.
Türkmenistan ÝUNESKO-nyň 42-nji Baş konferensiýasyna gatnaşýar we onuň dowamynda ýurduň resmi şahslary, şol sanda diplomatlar we hökümet agzalary guramanyň wekilleri hem-de onuň düzüm bölekleri bilen gepleşikleri geçirýärler.
