Balkan welaýat köpugurly hassahanasy durky täzelenip ulanylmaga berildi

  • 05.11.2023 16:55
  • 17k+

Türkmenistanyň Balkan welaýatynyň Balkanabat şäherinde ýatymlaýyn bejergi alýan näsaglar üçin niýetlenen 300 orunlyk 5 gatly döwrebap köpugurly hassahana düýpli durky täzelenip, ulanylmaga berildi.

Durky täzelenen hassahananyň ýokary hünär derejeli lukmanlary sebitiň ýaşaýjylaryna ýokary hilli lukmançylyk kömegini bermek we olaryň saglyklaryny berkitmek babatda yhlasly zähmet çekerler. Hassahanada keseli anyklaýyş we maslahat beriş, hirurgiya, trawmatologiýa we ortopediýa, anesteziologiýa we reanimasiýa, neýrohirurgiýa, urologiýa we nefrologiýa, dikeldiş, stomatologiýa, endoskopiýa, fizioterapiýa we beýleki birnäçe bölümler hereket edýär.
Balkan welaýat köpugurly hassahanasy lukmançylyk ylmynyň iň soňky gazananlaryna esaslanan döwrebap enjamlar bilen enjamlaşdyrylandyr. Olaryň arasynda Niderlandlaryň «PHILIPS Medical Systems» kompaniýasynyň «Ingenia Ambition 1,5T» geliýsiz magnit-rezonans tomograf enjamy we «Access CT» kompýuter tomograf enjamy, Italiýanyň «Villa Medical Systems» kompaniýasynyň rentgen «Flexi Diagnost» we flýuroskopiýa enjamy, «Apolla EZ» sanly flýurografiýa ulgamy, şeýle hem 2 sany mobil rentgen enjamy we «Melody III D» mammografy bar.
Mundan başga-da, hassahananda 7 sany operasiýa otagy bar. Olaryň ählisi «GETINGE Group» şwed kompaniýasynyň enjamlary bilen, şol sanda «Flow C» anesteziologiýa enjamynyň täze nesli, köp funksiýaly «Maquet» operasiýa stoly, «Volista» operasion ýagtylandyryjy çeşmesi bilen üpjün edilendir.
Çylşyrymly operasiýalary ýerine ýetirmekde rentgen enjamy C-Duga “Endura BV”, (PHILIPS Medical Systems) kompaniýasynyň we «Karl Storz» nemes kompaniýasynyň tehnologiýalary minimal inwaziw laparaskopiýa, artroskopiýa we torakoskopiýa operasiýalaryny geçirmekde lukmanlara ýardam eder.
Hassahananyň barlaghana bölüminde Germaniýanyň «Human» kompniýasynyň «HumaStar» biohimiki analizatory, «HumaCount 30» gematologiýa analizatory, «Combylizer 13» peşew analizatory, «Humareader HS» immuno-ferment analizatory, şeýle-de Şwesiýanyň «Roche Diagnostics» kompaniýasynyň «Cobas Z480» PSR analizatorlary we awtomatiki usulda DNK-ny bölüp almak üçin niýetlenen «Magnapure 24» enjamy ornaşdyrylandyr.
Türkmenistanyň Prezidenti hassahana “Toyota Hiace” we “Toyota Corolla” kysymly awtoulaglaryny sowgat berdi.


düýn 19:16
2.4k+

Synaglar kofeniň gujur berijiliginiň diňe kofein bilen bagly däldigini subut etdi

Psihologlar kofeniň, hakykatdanam, düzüminde kofein bolany üçin gujur beriji häsiýete eýemi ýa dälmi anyklamak üçin synag geçirdiler. Netijeler kofeni içýän adamyň özüni duýşuna bu içginiň diňe bir düzümi täsir etmän, eýsem, ony duýşuň we lezzet bilen içmek däbiniň hem täsir edýändigini görkezdi diýip, Heliyon žurnalynda çap bolan barlagda aýdylýar...

30.05.2025 16:54
5k+

Russiýada glaukoma operasiýalary üçin dünýäde ilkinji mikrostent döredildi

Russiýada glaukomany hirurgiki bejermek üçin dünýäde ilkinji mikrostent döredildi. Bu barada Russiýanyň Ylymlar akademiýasynyň (RYA) prezidenti Gennadiý Krasnikow 28-30-njy maý aralygynda Moskwada geçirilýän RYA-nyň umumy ýygnagynda mälim etdi...

26.05.2025 23:21
2.9k+

Türkmenistanyň saglygy goraýyş ministri BSGG-niň Baş müdirine Aşgabatdaky foruma çakylygy gowşurdy

Türkmenistanyň saglygy goraýyş we derman senagaty ministri Myrat Mämmedow Bütindünýä saglygy goraýyş assambleýasynyň Ženewada geçirilen 78-nji mejlisine gatnaşdy. Bu barada Türkmenistanyň DIM-niň metbugat gullugy habar berýär...

26.05.2025 16:58
6.3k+

Seýrek keselli bäbegi özüne ýöriteläp döredilen derman serişdesi bilen halas etdiler

ABŞ-da gaty seýrek genetiki bozulmasy bolan çaga halas edildi. Alymlar onuň DNK-syndaky ýalňyşlygy düzedýän dermany işläp taýýarladylar. Bu diňe bir näsag üçin ýöriteläp derman döredilen ilkinji ýagdaýdyr diýip, “Bereg” neşiri ýazýar...