Gurbanguly Berdimuhamedowyň Astana sammitinde öňe süren teklipleri

  • 03.11.2023 15:30
  • 9.5k+

Şu gün Gazagystan Respublikasynda iş saparynda bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türki Döwletleriň Guramasynyň döwlet Baştutanlarynyň Geňeşiniň mejlisine gatnaşdy. Gurbanguly Berdimuhamedowyň sammitdäki çykyşy Türkmenistanyň bu guramanyň çägindäki özara gatnaşyklarda ileri tutýan ugurlaryny öz içine aldy.

«Akorda» köşgünde geçirilen ýokary derejeli duşuşygy açyp, ilki bilen, Gazagystan Respublikasynyň Prezidenti Kasym-Žomart Tokaýew giriş sözi bilen çykyş etdi. Soňra sammite gatnaşýan wekiliýet Baştutanlarynyň çykyşlaryna we beýleki hasabatlara orun berildi.
Gurbanguly Berdimuhamedow sammitde eden çykyşynda bu ýokary derejeli duşuşygyň ýurtlarymyzyň arasyndaky syýasy-diplomatik, söwda-ykdysady, medeni-ynsanperwer gatnaşyklaryň has-da ösmegine we bu babatda täze wezipeleri kesgitlemäge ýardam berjekdigine ynam bildirip, Türkmenistanyň Türki Döwletleriň Guramasynyň çägindäki hyzmatdaşlykda ileri tutýan ugurlary barada durup geçdi. Hususan-da, Gurbanguly Berdimuhamedow ählumumy parahatçylyk we howpsuzlyk ulgamyna oňaýsyz täsir edýän çylşyrymly hadysalardan baş alyp çykmak üçin döwletleriň tagallalarynyň birleşdirilmeginiň, emele gelen syýasy ýagdaýlara oýlanyşykly baha bermegiň, zerur bolan çözgütleri kabul etmegiň wajypdygyny belledi. Şol sebäpli, halkara hukuk kadalaryna, ilkinji nobatda, Birleşen Milletler Guramasynyň Tertipnamasyna esaslanyp, ýüze çykýan howplara garşy göreşmegiň netijeli gurallaryny döretmek, bilelikdäki hereketleri ýola goýmak, anyk çemeleşmeleridir meýilnamalary işläp taýýarlamak zerur bolup durýar. Şunuň bilen baglylykda, Türkmenistanyň BMG-niň Baş Assambleýasynyň 78-nji sessiýasynda öňe süren Ählumumy howpsuzlyk strategiýasyny iş ýüzünde durmuşa geçirmegiň möhümdigine üns çekildi.

Ýubileý sammitde eden çykyşynda Milli Liderimiz halkara guramalaryň çäklerinde özara hereketleri ulgamlaýyn esasda alyp barmak üçin:

  • Türki Döwletleriň Guramasynyň ýurtlarynyň 2024-2025-nji ýyllar üçin Hyzmatdaşlyk maksatnamasyny kabul etmek,
  • guramanyň çäginde söwda-ykdysady gatnaşyklary has-da işjeňleşdirmek,
  • üstaşyr gatnawlary işjeňleşdirmek üçin Türkmenistanyň logistika we üpjünçilik ulgamynyň mümkinçiliklerini ulanmak,
  • türkmen tebigy gazyny Hazar deňziniň üsti bilen Azerbaýjana, Türkiýä, geljekde dünýä bazarlaryna çykarmak meselesinde ysnyşykly hyzmatdaşlyk etmek,
  • Türki Döwletleriň Guramasyna gatnaşýan ýurtlar tarapyndan energetika pudagynda hyzmatdaşlygy ösdürmek boýunça «Ýol kartasyny» taýýarlamak,
  • Türki döwletleriň bilelikdäki Medeniýet gününi guramak,
  • ylmy-barlag institutlarynyň, ýokary okuw mekdepleriniň, öňdebaryjy ylmy merkezleriň arasyndaky gatnaşyklary depginli ösdürmek bilen bagly teklipleri beýan etdi, diýip «Türkmenistan» gazetiniň elektron neşiri habar berýär.

17.04.2025 10:24
11k+

Gurbanguly Berdimuhamedow Haýyr-sahawat gaznasynyň wise-prezidentleri bilen maslahat geçirdi

16-njy aprelde Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparyny amala aşyryp, Howandarlyga mätäç çagalara hemaýat bermek boýunça haýyr-sahawat gaznasynyň wise-prezidentleriniň gatnaşmagynda iş maslahatyny geçirdi...

12.04.2025 16:05
2.7k+

Almatyda GDA-nyň daşary işler ministrleriniň geňeşiniň nobatdaky mejlisi geçirildi

11-nji aprelde Almaty şäherinde Garaşsyz Döwletleriň Arkalaşygyna gatnaşyjy döwletleriniň Daşary işler ministrleriniň geňeşiniň nobatdaky mejlisi gecirildi. Mejlise Türkmenistanyň daşary işler ministriniň orunbasary...

10.04.2025 11:54
8.2k+

Gurbanguly Berdimuhamedow Arkadag şäherinde metjidiň gurluşygyna baryp gördi

9-njy aprelde türkmen halkynyň Milli Lideri Gurbanguly Berdimuhamedow Arkadag şäherine iş saparynyň barşynda metjidiň gurulýan ýerine gelip, onuň şekil taslamalary bilen tanyşdy. Türkmenistanyň müftüsi Ý.Hojagulyýew...

10.04.2025 11:42
6k+

Arkadag şäherinde täze taslamalara grant goldawyny bermek boýunça işler alnyp barylýar

9-njy aprelde Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparynyň çäklerinde Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň...