Şu gün, 3-nji noýabrda Balkan welaýatynyň Türkmenbaşy etrabynyň Guwlymaýak şäherçesinde «Türkmenhimiýa» döwlet konserniniň kärhanalarynyň işgärleri üçin niýetlenen degişli durmuş maksatly desgalary özünde jemleýän iri ýaşaýyş jaý toplumynyň düýbi tutuldy. Dabara Prezident Serdar Berdimuhamedow gatnaşdy diýip, TDH habar berýär.
Döwlet Baştutany ýaşaýyş toplumynyň gurluşygy boýunça işleriň başlanmagyna ak pata berdi we ýygnananlaryň el çarpyşmalary astynda geljekki toplumyň binýadyna pil bilen ilkinji beton garyndysyny guýdy.
Öň habar berşimiz ýaly, bu ýerde 4 gatly 472 maşgala niýetlenen Gyýanly ýaşaýyş jaý toplumy, 320 orunlyk umumybilim berýän orta mekdep, 120 orunlyk çagalar bagy, söwda-dynç alyş merkezi gurlar.
