Şu gün Gazagystanyň paýtagty Astanada Türki Döwletleriň Guramasynyň (TDG) döwlet Baştutanlarynyň ýubileý 10-njy sammiti öz işine başlady diýip, Trend habar berýär.
Çäräniň çäklerinde adatdan daşary ýagdaýlar we meteorologiýa babatynda köptaraplaýyn resminamalara gol çekilmegine garaşylýar. Mundan başga-da, TDG-niň ulag aragatnaşygy maksatnamasyny durmuşa geçirmek boýunça bilelikdäki hereket meýilnamasyna, şeýle-de Astana beýannamasyna we Astana sammitiniň jarnamasyna gol çekiler.
Sammitiň jemi boýunça TDG-de başlyklyk Özbegistandan Gazagystana geçer.
Belläp geçsek, 2023-nji ýylda Özbegistan TDG-de başlyklyk edýär. Bu waka geçen ýylyň noýabr aýynda “Türki siwilizasiýasynyň täze eýýamy: umumy ösüşe we gülläp ösüşe tarap” şygary astynda geçirilen TDG-niň Samarkant sammiti bilen bellendi.
