Eýranyň we Gyrgyzystanyň hökümet wekiliýetleri “Gyrgyzystan – Özbegistan – Türkmenistan – Eýran” demirýol geçelgesini döretmek boýunça gepleşikler bilen baglanyşykly ikitaraplaýyn hyzmatdaşlygy giňeltmek barada ylalaşyk gazandylar diýip, Tehran Times habar berýär.
Birinji tapgyr ýokary wezipeli şahslaryň gatnaşmagynda täze demirýol ugruny döretmek boýunça gepleşikleri dowam etdirmek barada özara düşünişmegi göz öňünde tutýar. Bu meselede ulag ministrlerine degişli tabşyryklar berildi.
Eýranyň wekiliýeti şu gün, 26-njy oktýabrda geçiriljek Şanhaý hyzmatdaşlyk guramasynyň hökümet baştutanlarynyň 22-nji Geňeşine gatnaşmak üçin Gyrgyzystana geldi. Türkmenistan hem mejlise gatnaşar, ýurda wise-premýer Hojamyrat Geldimyradow wekilçilik eder.
Şeýle-de, Gyrgyzystan bilen Eýran öz territoriýalarynda biri-biriniň söwda merkezini açmak barada ylalaşdylar. Bişkek Eýran tarapyndan öz territoriýasynda elektrik stansiýasynyň we nebiti gaýtadan işleýän zawodyň gurulmagyna hem bil baglaýar.
