«Forbes-iň» sanawyna görä, ABŞ-nyň iň baý adamy, milliarder we telekeçi Ilon Mask bir günde 16,1 milliard dollar ýitirdi. Muny «Bloomberg» agentligi tarapyndan düzülen milliarderleriň görkezijisindäki maglumatlar subut edýär.
Agentligiň belleýşi ýaly, 2023-nji ýylyň üçünji çärýeginde Mask tarapyndan esaslandyrylan «Tesla» kompaniýasynyň maliýe görkezijileriniň pes bolmagy sebäpli telekeçiniň serişdeleri azaldy. «Tesla-nyň» paýnamalary pes girdeji we satuw sebäpli çärýekleýin hasabat çap edilenden soň 9,3% pese gaçdy.
2023-nji ýylyň aprel aýyndaky hasabata laýyklykda, Mask «Tesla-nyň» paýnamalarynyň 13%-ine eýelik edýär. Şeýle hem onuň 2018-nji ýyldaky kompensasiýa bukjasyndan, takmynan, 304 million aksiýa opsionlary bar.
Agentligiň hasaplamalaryna görä, Ilon Mask şu ýyl 72,6 milliard dollar girdeji gazandy.
